Charter Document - 06030009

Omnibus Christi fidelibus ad quos presens scriptum peruenerit Willelmus filius Ricardi de Kyngestonlehees salutem in domino sempiternam Nouerit vniuersitas vestra me dedisse concessisse et omnino quiete clamasse pro me et heredibus meis siue assignatis meis Waltero filio domini Willelmi de Saundeby et heredibus suis siue assignatis suis homagium et seruicium Alani filii Willelmi Champeneys videlicet seruicium trium solidorum per annum quos ego Willelmus de predicto Alano recipere solebam ad tres terminos anni videlicet ad festum sancti Michaelis duodecim denarios et ad festum Purificacionis beate Marie duodecim denarios Et ad Ascencionem domini duodecim denarios pro vna bouata terre cum pertinenciis quam de me tenuit in villa et territorio de Somersale Herbert Concessi etiam et confirmaui eidem Waltero vnam dimidiam acram prati in prato de Somersale en le Wyte Doles quam Ricardus filius Mathei de Schauynton quondam tenuit Habendum et tenendum de me et heredibus meis dicto Waltero et heredibus suis et suis assignatis quibuscumque libere quiete bene et in pace integre et hereditarie cum omnibus libertatibus et asiamentis ad dicta homagium et seruicium trium solidorum et ad dictum pratum integraliter pertinentibus Reddendo inde annuatim mihi et heredibus meis pro predictis vnum obolum die sancti Blasii pro omnibus et omnimodis seruiciis ille et heredes sui et pro omnibus consuetudinibus et exaccionibus quibuscumque Ego vero Willelmus et heredes mei predicto Waltero et heredibus suis et suis assignatis dictum homagium seruicium trium solidorum et dictum pratum cum omnibus pertinenciis suis contra omnes homines Warantizabimus adquietabimus et inperpetuum defendemus pro seruicio pretaxato Vt autem hec mea donacio concessio et confirmacio rata et stabilis permaneat huic presenti scripto sigillum meum apposui Hiis testibus Domino Willelmo de Montegomore Ricardo de Kyngesley Roberto de Seggeshai Johanne de Kyngesley Johanne Wace et aliis