Charter Document - 06030004

Anno Regni regis Henrici filii Regis Johannis Quinquagesimo ad festum Sancti Martini In hieme Ita conuenit Inter dominam Isabellam quondam vxorem Willelmi filii Herberti et Ricardum filium suum videlicet quod cum dictus Ricardus prius tradidisset Manerium de Thuycros cum pertinentiis predicte Isabelle ad terminum vite sue ipsa in viduitate sua predictum Manerium de Thuycros sibi retro tradidit cum omnibus suis pertinentiis ad terminum vnius anni termino incipiente ad predictum terminum Sancti Martini Ita quod predictus Ricardus possit inde per totum annum sine ipsius impedimento commodum suum facere et tantum in fine anni dimittet seminatum quantum inuenit per visum uirorum Legalium saluis sibi bonis suis mobilibus et inmobilibus ibidem existentibus et sciendum est quod prenominatus Ricardus inuenit prefate Isabelle Robas sibi et familie sue cum Lineis vestibus cum viginti solidis ad vnum capellanum sustinendum et totum in fine anni prefata Isabella predicto Ricardo soluet secundum quod racionabiliter monstrare poterit facienda tamen allocacione de blado in orreo inuento Pretium frumenti et auene sex denarios busselli et ordei quinque denarios Non Licebit dicte Isabelle post annum finitum aliquid de dicto Manerio facere nisi prius predicto Ricardo satisfecerit de toto debito in quo sibi tenetur per rationabile compotum et ad omnia ista fideliter facienda sepe dicta Isabella fide media se obligauit judicio quolibet foro et quod nullo tempore vite sue dictum Manerium de Thuycros nulli tradet nisi predicto Ricardo filio suo dummodo ipse tantum velit inde sibi facere [] alii viri fideles facere uoluerint Pro hac autem tradicione predictus Ricardus Johannam filiam suam Ricardo de Corson maritauit In cujus rei testimonium partes presenti scripto ad modum cirograffi confecto alternatiue sigilla sua apposuerunt Hiis testibus Roberto rectore ecclesie de Norton Ricardo filio Roberti de Norton Ricardo de Corson Johanne de hatton Roberto Warpeloc Henrico fremon et Aliis