Charter Document - 06022090
| Charter Number: | 06022090 |
|---|---|
| Cartulary Title: | Charters connected with the Church of Ashburne, Derbyshire |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1289 |
| Date type: | Internal, A.D., Calendar, Episcopal |
| Resource Link(s): |
Reference Document for this Embedded Document |
Charter:
Decano vestre ecclesie Lincoln ab eadem ecclesia de Asseburn per nostram sentenciam aut alterius judicis ecclesiastici non amoto status vestrum ac Decanatus vestri in hac parte redintegratus ut decuit quatenus de facto immutatus seu interruptus extiterat vobis et vestro Decanatui Lincoln decetero rehabendam concesserimus libere et quiete vos ad id et cetera beneficia tam per nos quam per nostros antecessores vobis impensa respectum habentis super capellis de Knyveton et de Mapilton quorum jus patronatus ad ecclesiam de Asseburn antedictam et ad vos ea racione spectare dinoscitur et super toto jure ad vos seu vestrum Decanatum super eisdem capellis spectante nostre ordinacioni et disposicioni venerabilis patris domini Oliveri nunc Lincoln episcopi ad hoc interveniente consensu pure sponte ac libere submisistis Promittentes vos ratum habituros et facturum quicquid per nos super capellis eisdem fuerit ordinatum nos igitur submissionem hujusmodi admittentes vestrum que considerantes affectum quem zelo intime caritatis ad ecclesiam nostram Lych hactenus habuisse coperimus vestrum honorem et comodum in hac merito affectamus Pensantes itaque una cum vestre gratitudinis meritis onerosa dispendia que occasione dicte presentacionis et admissionis dicti Petri de Wynton ad ecclesiam antedictam sustinuisse dicimini quodque tamdiu comodo ejusdem ecclesie caruistis aliisque legitimis causis existentibus que ad infrascripta merito nos inducant dictam capellam de Mapelton cum omnibus suis juribus et pertinenciis ecclesie supradicte de Asseburn vobis vestroque Decanatui racione ipsius ecclesie perpetuo annectimus et unimus ac in usus proprios futuris temporibus possidendam auctoritate Pontificali concedimus ac eciam confirmamus statuentes ordinantes disponentes et eciam concedentes ut cedente vel decedente rectore ipsius capelle de Mapelton liceat Decano vestre ecclesie qui pro tempore fuerit aut vobis ipsis forsan tunc Decanatu vacante capellam ipsam de Mapelton et ejus possessionem per dictam appropriacionem concessionem et annexacionem cum omnibus suis juribus et pertinenciis libere ingredi et tenere nostro aut cujus cunque alterius consensu minime requisito In quorum omnium testimonium sigillum nostrum presentibus est appensum Dat apud Crokesle tercio kal Novembr anno domini Millesimo ducentesimo octogesimo nono [] Et Pontificatus nostri tricesimo secundo
Source (click image below to view full size)
