Charter Document - 06022087
| Charter Number: | 06022087 |
|---|---|
| Cartulary Title: | Charters connected with the Church of Ashburne, Derbyshire |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 1289 |
| Date type: | Internal, A.D., Calendar, Episcopal |
| Resource Link(s): |
Reference Document for this Embedded Document |
Charter:
Nos igitur de hujusmodi redintegracione et relevacione seu renovacione juris dictorum Decani et Capituli ecclesie Lincoln in ecclesia predicta de Asseburn affectione paterna moti gaudentes et insuper ex bono conscientie recta consideracionis acie perspicaciter attendentes favorem deo valde acceptam qui ecclesiis et maxime cathedralibus in quibus cotidianis conatibus assiduis sine intermissionis fastidio continue colitur ipse deus pro hujusmodi cultus augmento ex causa racionabili exhibetur et precipue ubi res ad suam redit naturam et priori redditur forme sue Ut dominus Philippus de Wyluby nunc decanus ecclesie Lincoln predictam ecclesiam de Asseburn per mortem dicti domini petri ad possessionem de facto vacantem cum omnibus suis juribus et pertinenciis in proprios usus decanatus ejusdem libere juxta prememoratam concessionem apostolicam ex renovato jure ipsius ecclesie Lincoln protinus valeat revocare ipsam Decanatui predicto cum omnibus suis juribus proventibus et pertinenciis imperpetuum applicando ac eciam ingredi et continuare possessionem ejusdem ecclesie prout predictorum predecessorum suorum temporibus ab ipsis haberi solebat Et nos ipsi prenominato Magistro Roberto de Mariscis quondam Decano Lincoln predecessori suo concessimus jam est diu interruptione qualibet cujus cunque hominis vel temporis interim contingente de facto nequicquam obstante ex nunc auctoritate dyocesana plene et plaue sibi Decano et Capitulo ejusdem ecclesie Linc ex certa sciencia concedimus per presentes quibus insuper Decano et Capitulo ecclesiam predictam de Asseburn cum omnibus suis juribus et pertinenciis et pacificam possessionem ejusdem secundum jus patronatus acquisitum seu renovatum sibi jam de novo ut predicitur in eadem Nos ipsi pro divini cultus augmento ceptum persequentes favorem quantum in nobis est auctoritate pontificali damus conferimus et tenore presencium irrevocabiliter confirmamus intuitu caritatis perpetuis Decanatus ejusdem ecclesie Linc usibus profuturas Reservantes tamen nobis potestatem auctoritate ordinaria assignandi vicario qui pro tempore in eadem ecclesia fuerit de ipsius ecclesie prouantibus porcionem congruam unde valeat comode sustentari et Episcopalia et Archidiaconi jura et cetera ipsius ecclesie onera supportare In quorum omnium testimonium sigillum nostrum presentibus est appensum Dat et Act apud Eccleshale octavo decimo kalend Maij Anno domini MCC octogesimo nono Et pontificatus nostri tricesimo secundo
Source (click image below to view full size)
