Charter Document - 06021099

Edwardus dei gratia Rex Anglie Dominus Hibernie et Dux Aquitanie Archiepiscopis Episcopis Abbatibus Prioribus Comitibus Baronibus Justiciariis Vicecomitibus Prepositis Ministris et omnibus Ballivis et fidelibus suis Salutem Sciatis quod cum dominus Willelmus quondam Rex Anglie caritatis intuitu et pro salute anime sue et animarum antecessorum ac heredum suorum per cartam dedisset et concessisset deo et ecclesie beate Marie Linc advocacionem ecclesie de Esseburn in antiquo dominico Corone Anglie sue quam ecclesiam plures Decani Lincoln per loci diocesanos et sedem apostolicam Decanatui Linc postmodum appropriatam in proprios usus pacifice possederunt quousque celebris memorie dominus Henricus Rex pater noster in curia sua apud Turrim London per consideracionem ejusdem curie sue per breve ultime presentacionis recuperasset presentacionem suam ad eandem ecclesiam de Essheburn versus Episcopum et Decanum ac Capitulum ecclesie Lincoln cujus ecclesie advocacionem ab eodem patre nostro post predicte presentacionis recuperacionem nobis datam per cartam nostram inter alia in eadem carta nostra contenta dedimus et concessimus deo et beate Marie et ecclesie tunc de Dernhal nunc de Valle Regali vocate in Comitatu Cestr que est de fundacione nostra necnon et Abbati et Monachis ibidem deo imperpetuum servituris Cumque venerabilis pater Ricardus Linc Episcopus et dilectus nobis in Christi Magister Oliverus de Sutton Decanus Linc ac capitulum ejusdem ecclesie asserentes se et ecclesiam Linc ex donacione predicti domini Regis Willelmi jus habere in advocacione dicte ecclesie de Essheburn ipsam advocacionem coram nobis et nostro consilio petuissent et idem Abbas et conventus de Valle Regali pro ipsis et successoribus suis jam ad nostram instanciam et requisicionem prefatam advocacionem ecclesie de Essheburn per cartam suam reddiderint dimiserint concesserint et quietum clamaverint nobis et heredibus nostris de se et successoribus suis imperpetuum Nos donacionem advocacionis dicte ecclesie de Essheburn per predictum dominum Regem Willelmum deo et ecclesie Lincoln factam ratam habentes et firmam et siquid in ea diminutum fuerit pro salute anime predicti Regis patris nostri et nostre ac animarum progenitorum et heredum nostrorum per presentem cartam nostram supplere volentes advocacionem ejusdem ecclesie et omnium capellarum ad eam spectantium dictis Episcopo Decano et Capituto Lincoln ut jus suum reddidimus et insuper eandem advocacionem eis pro nobis et heredibus nostris damus concedimus et quietum clamamus Habend et Tenend eisdem Episcopo Decano et Capitulo et successoribus suis quietam de nobis et heredibus nostris absque reclamacione aut impedimento nostri vel heredum nostrorum imperpetuum Ita quod eandem advocacionem ecclesie de Essheburn cum suis capellis rehabeant et sibi et successoribus suis retineant sicut eorum predecessores eam melius et quietius unquam tenuerunt Quare volumus et firmiter precipimus pro nobis et heredibus nostris quod predicti Episcopus Decanus et Capitulum ecclesie beate Marie Lincoln predictam advocacionem ecclesie predicte de Essheburn cum suis capellis habeant et teneant ut jus suum sibi et successoribus suis quietam de nobis et heredibus nostris absque reclamacione seu impedimento nostri vel heredum nostrorum imperpetuum Ita quod advocacionem illam habeant et teneant sicut eorum predecessores eam melius et quietius unquam tenuerunt sicut predictum est Hiis testibus venerabilibus patribus Thoma de Cantilupo Herefordens et Willelmo de Middleton Norwycen Episcopis Willelmo de Yalenc avunculo nostro Rogero de Mortuo Mari Rogero de Clifford Roberto Tybotot Hugone filio Ottonis Waltero de Helynn Magistro Thoma Bek Archidiacono Dors Antonio Beek Archidiacono Dunelm Magistro Waltero Scamel Decano Sarre Magistris Rogero de Seyton et Roberto de Scardeburg Johanne de Liuetot Radulfo de Hengham Roberto filio Johannis Ricardo de Bosco et aliis Dat per manum nostram apud Westm quartodecimo die Junij Anno regni nostri sexto