Charter Document - 06021090
| Charter Number: | 06021090 |
|---|---|
| Cartulary Title: | Charters connected with the Church of Ashburne, Derbyshire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1289 |
| Date type: | Internal, A.D., Calendar, Episcopal |
| Resource Link(s): |
Reference Document for this Embedded Document |
Charter:
Rogerus permissione divina Coventr et Lych Episcopus dilectis sibi in Christo Philippo Decano et Capitulo Ecclesie Lincoln salutem in auctore salutis Cum nuper ecclesiam de Asseburn nostre dyoecesis Decanatui ecclesie vestre Lincoln in usus proprios canonice ab antiquo concessam et perpetuo appropriatam quam etiam Decani Ecclesie vestre qui pro tempore fuerant per appropriationem hujusmodi inquiete possederant temporibus diutius post mortem domini Petri de Wynton qui ecclesiam ipsam ad presentacionem bone memorie Henrici quondam illustris Regis Anglie aliquamdiu tenebat ut Rector decano vestre ecclesie Linc ab eadem ecclesia de Asseburn per nostram sententiam aut alterius iudicis ecclesiastici non amoto statum vestrum ac decanatus vestri in hac parte redintegrantes ut decuit quatenus de facto inmutatus seu interruptus extiterat vobis et vestro decanatui Lync decetero re habendam concesserimus libere et quiete vos ad id [] beneficia tam per nos quam per nostros antecessores vobis impensa respectu habentes super capellis de Knyveton et de Mapilton quorum ius patronatus ad ecclesiam de Asseburn antedictam et ad vos ea ratione spectare dinoscitur et super toto iure ad vos seu vestrum decanatum super eisdem capellis spectante nostre ordinationi et dispositioni venerabilis patris domini Oliveri nunc Linc episcopi ad hoc interveniente consensu pure sponte et libere submisistis promittentes vos ratum habituros et facturum quicquid per nos super capellis eisdem fuerit ordinatum Nos igitur submissionem huiusmodi admittentes vestrumque considerantes affectum quem zelo intime caritatis ad ecclesiam nostram Lych hactenus habuisse comperimus vestrum honorem et comodum in hac merito affectamus pensantes itaque unacum vestre gratitudinis meritis onerosa dispendia que occasione dicte presentationis et admissionis dicti Petri de Wynton ad ecclesiam antedictam sustinuisse dicimini quodque tamdiu comodo eiusdem ecclesie caruistis aliisque legitimis causis existentibus que ad infrascripta merito nos inducant dictam capellam de Mapelton cum omnibus suis iuribus et pertinentiis ecclesie supradicte de Assebur et vobis vestroque decanatui ratione ipsius ecclesie perpetuo annectimus et unimus ac in usus proprios futuris temporibus possidendam auctoritate pontificali concedimus ac etiam confirmamus statuentes ordinantes disponentes et etiam concedentes ut cedente vel decedente rectore ipsius capelle de Mapelton liceat decano vestre ecclesie qui pro tempore fuerit aut vobis forsan tunc decanatu vacante capellam ipsam de Mapelton et eius possessionem per dictam appropriationem concessionem et annexionem cum omnibus suis iuribus et pertinentiis libere ingredi et tenere nostro aut cuiuscunque alterius consensu minime requisito In quorum omnium testimonium sigillum nostrum presentibus est appensum Dat apud Crokesle tertio kalendas Novembris anno Domini millesimo ducentesimo octogesimo nono et pontificatus nostri tricesimo secundo
Source (click image below to view full size)
