Charter Document - 06021087

Rogerus permissione divina Coventr et Lych episcopus dilectis nobis in Christo Philippo Decano et capitulo ecclesie Linc salutem in auctore salutis Intelleximus jam est diu quod cum non ulli Decani Linc Ecclesiam de Asseburn Coventr et Lych dyoc in qua racione sui decanatus jus patronatus tunc optinebant aliquamdiu in usus proprios tenuissent tandem per quamdam ordinacionem quam fecit bone memorie Coventr et Lych episcopus cum quondam Decano Lincoln Ecclesie perpetuus est in ea vicarius institutus cui omnes proventus ejusdem ecclesie fuerant deputati salvis dumtaxat quinquaginta marcis annuis [] Decano Lincoln ecclesie qui pro tempore foret per manus vicariorum perpetuis temporibus exsolvendis Coventr et Lych capitulorum assensu ad hoc ut dicitur accedente propter quod Magister Ricardus Gravesend promotus postmodum in decanum reputans dictam ordinacionem factam in ipsius Decanatus et suam non modicam lesionem ad sedem Apostolicam accedens humiliter supplicavit super hoc sibi et eidem Decanatui provideri cujus precibus pie recordacionis Alexander quartus tunc summus pontifex inclinatus nolens ex predictis dictum Decanatum pati hujusmodi lesionem ut idem Magister Ricardus vel successores sui dictam ecclesiam cedente vel decedente ipsius ecclesie vicario in proprios usus Decanatus ejusdem libere revocare valeret ipsam dicto Decanatui cum omnibus suis juribus proventibus et pertinenciis applicando Ac eciam possessionem illius ingredi prout dictorum suorum predecessorum temporibus ab ipsis haberi solebat nostro vel Archidiaconi loci seu cujus libet alterius assensu minime requisito assignata tamen vicario qui pro tempore foret in eadem ecclesia de ipsius ecclesie proventibus porcione congrua unde valeret comode sustentari ac Episcopalia et Archidiaconalia jura et cetera ipsius ecclesie onera supportare ordinacione aut premissis minime obstantibus aut aliquibus litteris sedis apostolice vel indulgenciis optentis vel eciam optinendis per quas hujusmodi gracia posset impediri vel saltem differri auctoritate sedis apostolice duxit liberaliter indulgendum Cumque post hoc vicaria memorata vacante per mortem vicarii loci ejusdem Magister Robertus de Mariscis tunc Decanus Lincoln auctoritate sedis et concessionis predicte possessionem predicte ecclesie de Asseburn nostro eciam interveniente consensu expresso canonice fuisset adeptus et eamdem per aliquod tempus pacifice possedisset demum ipse super possessione vel quasi juris patronatus ejusdem ecclesie ab illustri Rege Anglie quondam Henrico in propria Curia ipsius Regis conventus per breve quod de ultima presentacione vulgariter appellatur in possessorio vel quasi contrariam sentenciam reportavit coram judice seculari Sicque dicto Rege illustri presentante nobis Petrum de Wynton clericum suum nos de mandato Regis et speciali precepto per varias districtiones artati atque compulsi predictum Petrum ad ecclesiam predictam de Asseburn admisimus juxta Regni consuetudinem et Rectorem instituimus in eadem predicto Decano per nostram aut alterius judicis ecclesiastici sentenciam ab eadem ecclesia non amoto sicut hec omnia et singula quasi in formam publicam redacta in quadam littera nostra patenter magno sigillo nostro sub data mensis Februarii anno domini Millesimo CC septuagesimo tercio consignata fideliter et pleniter intelleximus contineri []