Charter Document - 06021079

Articula Magistri Oliveri Decani Linc est quod olim nonnulli decani ecclesie Linc ecclesiam de Esseburn in qua ratione Decanatus sui jus patronatus habebant in proprios usus tenuerunt Dominus Matheus de Kirketon miles juratus et requisitus super articulo suprascripto [] dicit quod quidem Decanus Linc nomine Willelmus de Tornay ecclesiam de Esseburn in Archidiaconatu Derbeye in proprios usus tenuit et possedit ratione Decanatus Linc dicit etiam quod vidit quemdam nomine Nicholaum rectorem totalis ecclesie de Esseburn post cujus obitum vidit quod dictus W de Tornay tunc Decanus Linc dictam ecclesiam de Esseburn cum omnibus suis juribus et pertinenciis toto tempore quo fuit Decanus ratione sui Decanatus libere tenuit et possedit Requisitus qualiter scit quod dictus Decanus dictam ecclesiam ratione dicti Decanatus tenuisset dicit quod per hoc quod dicta ecclesia transivit una cum predicto Decanatu ad successores dicti Willelmi decanos Linc usque ad tempus Magistri Roberti de Marisc Dicit etiam quod vidit quod Rogerus de Wesinham quondam Decanus Linc dictam ecclesiam cum omnibus suis juribus pacifice possedit et tenuit et capellas que de advocatione dicte ecclesie esse dinoscuntur ratione dicti decanatus contulit et hoc sibi bene constat per hoc quod idem Rogerus contulit capellam de Bentelle domino Willelmo penitentiar canonico Lich qui dictam capellam adhuc possidet ex collatione predicta Requisitus tempore cujus Episcopi dictus Willelmus de Tornay dictam ecclesiam ratione dicti decanatus tenuisset dicit quod bene recolit quod tempore Alexandri Episcopi Lich dictam ecclesiam tenuit modo supradicto Requisitus quantum tempus elapsum est post ea dicit quod non recolit Decit etiam quod omnia ista publica sunt et notoria in partibus de Esseburn et in toto vicino Dominus Rogerus de Msington miles juratus et diligenter examinatus dicit quod idem quod prejuratus eo addito quod dicit quod temporibus cujusdam Decani Linc post Rogerum de Wesinham Decanum Linc fuit quedam vicaria ordinata in ecclesia memorata de Esseburn ut audivit ex quadam ordinatione ita ut vicarius ejusdem solveret annis singulis suo perpetuo Decano Linc qui pro tempore fuerit quinquaginta marcas sterlingorum De qua ordinatione nichil scit nisi ex relatu aliorum Simon de Clifton manens in Esseburn juratus et diligenta examinatus in omnibus idem dicit quod Dominus Rogerus prejuratus Thomas Herm de Esseburn juratus et diligenter examinatus in omnibus idem dicit quod Dominus Rogerus prejuratus Dominus Ricardus de Launcercumbe rector unius portionis ecclesie de Derley juratus et diligenter examinatus dicit quod ipse aliquando fuit de familia domini Willelmi de Tornay Decani Linc et consanguineus ejusdem vidit et scivit quod dictus decanus tenuit et habuit dictam ecclesiam de Esseburn in usus proprios ratione dicti decanatus plene et integre cum omnibus suis juribus et pertinentiis Requisitus qualiter hoc scit quod tenuit dictam ecclesiam in proprios usus dicit quod per hoc quod quidem Decanus Rogerus de Rolleston nomine optinuit centum solidos nomine pensionis a quodam Nicholao Rectore illius ecclesie de Esseburn ita quod cedente vel decedente eodem Nicholao dicta ecclesia perpetuis temporibus cederet in proprios usus dicti Decanatus Linc Requisitus si vidisset dictum Rogerum de Rolleston decanum Linc dicit quod non sed hec publica sunt et notoria in partibus illis Et dictus Willelmus de Tornay Decanus Linc statim post mortem dicti Nicholai ingressus est possessionem illius ecclesie de Esseburn et eam tenuit cum omnibus suis juribus quousque ingressus fuit religionem Et quod Rogerus de Wesinham decanus Linc successit in illa ecclesia de Esseburn ratione sui Decanatus Requisitus si dicti Decani dictam ecclesiam in usus proprios ratione dicti Decanatus tenuissent de consensu et voluntate loci diocesani dicit quod sit Requisitus qualiter hoc sciat quod sciente et approbante loci dyocesano dicti Decani dictam ecclesiam ratione dicti Decanatus in usus proprios tenuissent dicit quod per hoc quod uterque ipsorum tempore suo presentavit quosdam clericos ad quasdam capellas que sunt de advocatione dicte ecclesie de Esseburn dicto Episcopo presentatos predictos admittente ad ipsorum Decanorum presentationem tanquam rectorum ecclesie de Esseburn Item dicit quod dicta ecclesia de Esseburn tempore utriusque decani officiata fuit per capellanos et alios ministros Decani Linc et quod uterque Decanus predictus publice habitus fuit et vulgariter appelatus Rector ecclesie de Esseburn et quod domus terre possessiones et alia bona ejusdem ecclesie disponebantur per Decanos Linc et servientes suos quod dicit publicum esse et notorium in partibus illis Dicit etiam quod postea ordinata fuit quedam vicaria in ecclesia memorata cujus vicarius solveret annuatim suo perpetuo Decano Linc quinquaginta marcas Requisitus temporibus cujus Episcopi dictus Willelmus de Tornay dictam ecclesiam modo supradicto tenuisset dicit quod temporibus Alexandri Episcopi ingressus fuit possessionem ejusdem et postea temporibus Hugonis Episcopi dictus Willelmus ingressus fuit religionem Requisitus quantum tempus elapsum est postquam dictus Willelmus de Tornay primo dictam ecclesiam ingressus fuit dicit quod de lapsu temporis non bene recolit sed credit quod lapsi sunt quadraginta duo anni vel circiter a tempore quo Willelmus de Tornay predictus cessit per ingressum religionis Dominus Ricardus de Barton capellanus parochialis de Derley in petto juratus et diligenter examinatus idem dicit in omnibus articulis quod dominus Ricardus de Launcercumbe prejuratus eo excepto quod de Rogero de Rolleston vel de aliqua pensione quam ipse precepisset nichil scit sed bene scit quod predicti Decani dictam ecclesiam de Esseburn ratione dicti decanatus in proprios usus tenuerunt per hoc quod ipsi ad quasdam capellas de advocatione dicte ecclesie de Esseburn quosdam clericos tanquam Decani Linc et rectores ejusdem ecclesie de Esseburn presentarunt et dicit quod omnia ipsa publica sunt et notoria in partibus illis Dominus Thomas de Snalesdal juxta Esseburn capellanus juratus et diligenter examinatus idem dicit quod dominus Ricardus de Barton capellanus prejuratus hoc addito quod vidit et scivit quod dominus Willelmus de Tornay presentavit ad capellam de Thorp dominum Thomam de Bradeford et ad capellam de Mapelton Petrum de Butuile Et quod Rogerus de Wesinham postea Decanus Linc presentavit ad capellam de Eldufyrston dominum Nicholaum de Ley et ad capellam de Bentel dominum Willelmum penitentiar nunc canonicum Lich qui adhuc superstes est et eam possidet Frater Walterus de Sancto Edmundo monachus de Parco Lude ordinis Cysterc juratus et diligenter examinatus dicit quod ipse fuit aliq[uando] de familia domini Willelmi de Thornay Decani Linc et de possessione illius Decani quam habuit in ecclesia de Esseburn et de presentationibus quas idem fecit ad capellas deponit et dicit in omnibus sicut Ricardus de Launcercumbe prejuratus Dominus Simon de Saham capellanus vicarius in ecclesia Linc juratus et diligenter examinatus dicit quod ipse fuit aliquando de familia domini Willelmi de Tornay Decani Linc et clericus capelle ipsius et dicit quod idem Willelmus Decanus presentavit ipsum ad capellam de Bradeley tanquam de jure vacantem et ad ejus presentationem ratione Decanatus et ecclesie de Esseburn spectantem et quod ipse optinuit literam inquisitionis faciende ab Alexandro episcopo Et quod inquisito dicebat quod Decanus Linc verus fuit ejus capelle patronus et quod illa capella vacuit de jure eo quod ille qui incumbebat tunc possessioni ejusdem successit patri suo immediate in eadem qui postea vocatus coram Episcopo probavit quod pater ipsius erat firmarius illius capelle In aliis omnibus idem dicit quod Ricardus de Launcercumbe prejuratus Walterus de Launcercumbe manens in Matloke in petto laicus juratus et diligenter examinatus dicit quod ipse aliquando fuit de familia dicti Willelmi de Tornay Decani Linc et fuit serviens ipsius apud Esseburn et dicit quod ratione Decanatus Linc dictus Decanus dictam ecclesiam de Esseburn tenuit et possedit in usus proprios Requisitus qualiter hoc scit quod illam ecclesiam tenuit ratione dicti Decanatus dicit quod per hoc quod ipse tanquam Decanus presentavit ad capellas que sunt de patronatu rectoris ecclesie de Esseburn et quod publicum fuit et notorium et est quod idem Willelmus de Tornay ratione Decanatus fuit Rector ejusdem ecclesie de Esseburn De lapsu temporis de nomine loci dyocesani et possessione Rogeri de Wesinham postea Decani Linc idem dicit quod Ricardus de Launcercumbe prejuratus Henricus de Crumford laycus juratus et diligenter examinatus idem dicit quod Walterus de Launccumbe prejuratus hoc excepto quod dicit se fuisse usquam de familia domini Willelmi de Tornay decani Linc Ricardus de Caldlow dictus Le porter manens in Hotton laycus tamen literatus juratus et diligenter examinatus in omnibus et singulis articulis idem dicit quod prejuratus Henricus de Crumford Henricus dictus clericus de Mannefeld et Robertus de Matloke Simon dictus le Bacheler de eadem Radulfus de Mannesfeld Petrus de Petto layci jurati et examinati idem dicunt quod Henricus de Crumford prejuratus In quorum omnium testimonium et memoriam perpetuam sigillo nostra presentibus fecimus apponi