Charter Document - 06021077
| Charter Number: | 06021077 |
|---|---|
| Cartulary Title: | Charters connected with the Church of Ashburne, Derbyshire |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1273 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Gregorius episcopus [] venerabilibus fratribus [] Archiepiscopo Cantuar Episcopo et dilecto filio priori Westmon London salutem [] Sua nobis dilectus filius Decanus ecclesie Linc petitione monstravit quod licet quondam Robertus de Mariscis Decanus Lincoln predecessor suus ecclesiam de Esseburn Conventren dioc in qua racione decanatus sui ejusdem ecclesie Lincolniensis idem Decanus jus patronatus habebat usibus dicti Decanatus auctoritate litterarum sedis apostolice deputatum in usus hujusmodi retineret et pacifice possideret eandem Demum tamen clare memorie Henricus Rex Anglie predictum jus patronatus ad se pertinere pretendens Petrum de Wintonia clericum ad ecclesiam ipsam tanquam ad vacantem venerabili fratri nostro Conuentren et Lichefeld Episcopo presentavit quem dictus Episcopus de facto instituit in eadem quam dictus Petrus hujusmodi presentacionis et institucionis pretextu detinet minus juste in ipsius decani et decanatus prejudicium et gravamen Quarum idem Decanus nobis humiliter supplicavit ut easdem presentacionem et institucionem nullas penitus nunciari et ab ea predictum clericum amoveri dictoque Decano ipsam restitui per eum et successores suos in usus retinendam predictos per discretum aliquem faceremus Quo circa discrecioni nostre per apostolica scripta mandamus quatinus vocatis qui fuerint evocandi et auditis hinc inde prepositis quod canonicum fuerit appellacione postposita decernatis facientes [] Testes autem [] Quod si non omnes [] duo vestrum [] Dat Lugd V Kl Augusti pontificatus nostri anno tercio
Source (click image below to view full size)
