Charter Document - 06021074

Alexander Episcopus servus servorum Dei dilectis filiis Decano Ebor et Archidiacono Oxon Linc dioc salutem et apostolicam benedictionem Ex tenore petitionis dilecti filii Magistri Ricardi Decani Linc accepimus quod cum olim nonnulli Decani Linc predecessores sui ecclesiam de Esseburn Conuentren et Lichefelden dioc in qua racione sui Decanatus jus patronatus obtinet in usus proprios tenuissent tandem per quandam advocacionem quam fecit bone memorie Conuentren et Lichefelden episcopus loci diocesanus cum quondam Decano Linc predecessore suo perpetuus est institutus in eadem ecclesia vicarius cui plusquam medietas proventuum ejusdem ecclesie juxta ordinacionem eandem extitit deputata Conuentren et Lichefelden Capitulorum assensu ad id postmodum ut dicitur accedente in ipsius Decanatum et suam non modicam lesionem Unde dictus Decanus humiliter petiit super hoc sibi et eidem Decanatui provideri Nos igitur ipsius supplicacionibus inclinari ut idem Decanus vel successores sui dictam ecclesiam cedente vel decedente ipsius ecclesie vicario cum nolimus ex premissis dictum Decanatum pati hujusmodi lesionem in proprios usus Decanat ejusdem libere revocare possint ipsam Decanatui predicto cum omnibus suis juribus proventibus et pertinentiis applicando ac eciam ingredi possessionem ejus prout dictorum predecessorum suorum temporibus ab ipsis haberi solebat diocesani vel archidiaconi loci aut cujuscunque alterius assensu minime requisito assignata tamen vicario qui pro tempore in eadem ecclesia fuerit de ipsius ecclesie proventibus porcione congrua Unde valeat commode sustentari et episcopalia et archidiaconalia jura et cetera ipsius ecclesia onera supportare ordinacione ac aliis premissis nequaquam obstantibus aut aliquibus litteris apostolice sedis super quorumcunque pensionibus impetratis seu reservacionibus aut inhibicionibus per eas factis vel eciam faciendis seu aliis litteris vel indulgenciis apostolicis a quibuscunque obtentis vel eciam obtinendis per quas hujusmodi gratia impediri valeat vel differri per nostras litteras duximus indulgend Quocirca discrecioni vestre per apostolica scripta mandamus quatinus predictum Decanum vel successores ipsius aut eorum procuratorem ipsorum nomine in ejusdem ecclesie possessionem cedente vel decedente predicto vicario per vos vel alios inducatis et defendatis inductos contradictores per censuram ecclesiasticam appellacione post posita compescendo non obstante si aliquibus a sede apostolica sit indultum quod interdici suspendi vel excommunicari non possint et constitucione de duabus dictis edita in concilio generali Quod si non ambo hiis exequendis potueritis interesse alter vestrum ea nichilominus exequatur Dat Viterbii xii kal Junij pontificatus nostro anno quarto