Charter Document - 06020097

Universis sancte matris ecclesie filiis ad quos presentes litere pervenerint Radulfus de Leycestria venerabilis patris domini W dei gracia Coventr et Lych Episcopi ipso in remotis agente Vicarius in spiritualibus generalis Salutem in eo qui est omnium vera salus Cum nuper vacante Decanatu Linc ecclesie cui dicitur ecclesie de Asseburn Wirkesworth et Cestrefeld Lych dyoc sunt appropriate ac per ordinacionem antiquam ecclesie Lincoln a tempore cujus initii memoria non existit usibus Decanalibus sunt et fuerant imperpetuum assignate seu deputate venerabili patri nostro Domino W dei gracia Coventr et Lych Episcopo supradicto quorundam relacione fuisset intimatum quod ad predictum patrem nostrum tempore vacacionis custodia fructuum et obvencionum earundem spectabat et quod fructus medii temporis custodia predicta durante eidem deberent competere tanquam sui vel tanquam sibi debiti de consuetudine approbata Quo pretextu generalis ejus sequestrator sequestracionem in obvencionibus medii temporis inter posuit sicut domino predicto competentibus vel eidem debitis ut suprius est prefatum Unde dominus noster predictus nolens usurpare quod suum non est vel quod sibi debitum non est presumere injunctionem nobis fecit quod nos vocatis vocandis utrum predictarum ecclesiarum custodia vacante Decanatu predicto et fructuum percepcio earundem ad eum de consuetudine competerent vel eidem deberenter diligentem faceremus inquisicionem Unde nos ejus injunctionem secuti secundum formam injunctionis ejusdem diligentem fecimus inquisicionem per illos quorum nomina secuuntur in hunc modum videlicet per Magistrum Willebruum rectorem de Langel Magistrum Ricardum rectorem de Alwynefeld vicarium de Cestrefeld vicarium de Boishouer vicarium de Wirkesworth vicarium de Esseburn rectorem de Ketliston vicarium sancte Wereburg vicarium de Spondon vicarium de Crutch vicarium de Affurton et custodem ecclesie de Bradburn que quidem inquisicio dicit de verbo ad verbum ut sequitur Inquisicio facta in ecclesia Beati Petri Derb die Lune prox ante festum Apostolorum Simonis et Jude anno domini M Tricentesimo duodecimo Coram Magistro R de Leycestr venerabilis patris ac domini W dei gracia Coventr et Lych Episcopi vicario generali in spiritualibus ipso in remotis agente per duodecim Rectores et vicarios Archidiaconatus Derb specialiter vocatos et juratos super percepcione obvencionum et proventuum tempore vocacionis Decanatus Lincoln in ecclesiis Cestrefeld Assheburn et Wirkesworth dicit quod omnes obvenciones et proventus tempore vacacionis provenientes ex predictis ecclesiis spectant et ante hec tempora spectare consueverunt capitulo Lincolniensi exceptis dumtaxat porcionibus vicariorum in eisdem ecclesiis Et si quod sequestrum ante hec tempora in predictis ecclesiis factum fuerit auctoritate dyocesana plus facti quam consuetudinis obtente et approbate credit extitisse Et dicit quod procurator Capituli Linc tempore vacacionis omnes obvenciones et proventus predictarum ecclesiarum sine diminucione qualibet percipere consuevit In cujus rei testimonium sigillum officii nostri presentibus est appensum [] Dat apud Derb die Lune et anno domini supradictis