Charter Document - 06020089
| Charter Number: | 06020089 |
|---|---|
| Cartulary Title: | Charters connected with the Church of Ashburne, Derbyshire |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 1289 |
| Date type: | Internal, A.D., Calendar |
| Resource Link(s): |
|
Charter:
In Dei nomine Amen Presenti pagina pateat universis quod nos Nicholaus de Hegham Decanus Lincoln et Capitulum ejusdem ecclesie cathedralis ad beneficia multa multipliciter graciosa que venerabiles patres domini Coventr et Lychefeld Episcopi nobis temporibus retroactis munifica largitate fecerunt et maxime que pius pater dominus Rogerus de Moulent nunc Coventr et Licheffeld Episcopus de ecclesia de Esseburn in proprios usus Decanatus Lincoln libere deinceps rehabenda nobis contulit hiis diebus affectione mera respectum habentes et insuper attenden[te]s quod nemini sua liberalitas esse captiosa debeat vel dampnosa auctoritate venerabilis patris nostri domini Oliveri nunc Lincoln Episcopi ac de unanimi consensu omnium nostrum et voluntate communi nos et capellam de Knyveton que est una de spectantibus ad ecclesiam predictam de Esseburn et ad nos racione ejusdem ecclesie ac omne jus quod habemus in eadem capella cum omnibus suis juribus et pertinenciis disposicioni et ordinacioni predicti domini nunc Coventr et Lichefeld Episcopi sponte pure et absolute submittimus per presentes Ita quod quicquid idem dominus Episcopus de eadem capella de Knyveton cum omnibus pertinenciis suis sive pro indemp[ni]tatis cujus libet conservacione sive pro honoris adjectione que sibi et ecclesie Lych grata vicissitudine offerimus pura mente alte et basse pro sue voluntatis beneplacit uno m vel alio duxerit ordinandum id totum per omnia et singula ratum habebimus et acceptum Que omnia nos fideliter observare et in nullo contravenire in verbo veritatis et sacerdotii solempniter promittimus per presentes beneficio restitucionis in integre ac omni exceptioni supplicacioni impetracioni quarumcunque litterarum in quacunque curia appellacioni et omni utrinsque juris remedio si quod forsan nobis competere posset contra aliqua de predictis renunciantes expresse In cujus rei testimonium commune sigillum capituli nostri Lincoln una cum sigillo venerabilis patris nostri predicti presentibus duximus apponendum Act et Dat in capitulo nostro Lincoln iij kalend Augusti anno domini Millesimo CC octogesimo primo
Source (click image below to view full size)
