Charter Document - 06020086

Omnibus presentes litteras inspecturis Rogerus divina miseracione Couentr et Lychefelden Episcopus Salutem in omnium Salvatore Noverit universitas vestra quod cum nonnulli Decani Linc ecclesiam de Esseburn Couentr et Lichefeld dioecesis in qua ratione sui Decanatus jus patronatus tunc optinebant aliquamdiu in usus proprios tenuissent tandem per quamdam ordinationem quam fecit bone memorie [] Couentr et Lychefeld Episcopus cum quondam [] Decano Lincoln ecclesie Perpetuum est in ea institutus vicarius cui omnes proventus ejusdem ecclesie fuerant deputati Salvis dumtaxat quinquaginta marcis annuis [] Decano Linc ecclesie qui pro tempore foret per manus vicariorum perpetuis temporibus exsolvendis Coventr et Lichefelden Capitulorum assensu ad hoc ut dicitur accedente propter quod Magister Ricardus de Graveshend promotus postmodum in decanum reputans dictam ordinationem factam in ipsius Decanatus et suam non modicam lesionem ad sedem Apostolicam accedens humiliter supplicavit super hoc sibi et eidem Decanatui provideri Cujus precibus pie recordationis Alexander quartus tunc summus pontifex inclinatus nolens ex predictis dictum decanum pati hujusmodi lesionem ut idem Magister Ricardus vel successores sui dictam ecclesiam cedente vel decedente ipsius ecclesie vicario in proprios usus Decanatus ejusdem libere revocare valeret ipsam dicto Decanatui cum omnibus suis juribus proventibus et pertinentiis applicando ac etiam ingredi possessionem illius prout dictorum suorum predecessorum temporibus ab ipsis haberi solebat nostro vel Archidiaconi loci seu cujus libet alterius assensu minime requisito assignata tamen vicario qui pro tempore foret in eadem ecclesia de ipsius ecclesie proventibus portione congrua unde valeret comode sustentari ac Episcopalia et Archidiaconalia jura et cetera ipsius ecclesie onera supportare ordinatione aut premissis minime obstantibus aut aliquibus litteris sedis Apostolice vel indulgentiis optentis vel etiam optinendis per quas hujusmodi gratia posset impediri vel saltem differri auctoritate sedis Apostolice duxit liberaliter indulgendum Cumque post hoc vicaria memorata vacante per mortem vicarii loci ejusdem Magister Robertus de Mariscis tunc Decanus Linc auctoritate sedis et concessionis predicte possessionem predicte ecclesie de Asseburn nostro etiam interveniente consensu expresso canonice fuisset adeptus et eandem per aliquod tempus pacifice possedisset demum ipse super possessione vel quasi juris patronatus ejusdem ecclesie ab illustri Rege Anglie quondam Henrico in propria Curia ipsius Regis conventus per breve quod de ultima presentatione vulgariter appellatur possessorio vel quasi contrariam sententiam reportavit coram judice seculari Sicque dicto Rege illustri presentante nobis Petrum de Wynton clericum suum nos de mandato Regis et speciali precepto per varias districtiones artati atque compulsi predictum Petrum ad ecclesiam predictam de Asseburn admisimus juxta Regni consuetudinem et Rectorem instituimus in eadem predicto Decano per nostram vel alterius Judicis ecclesiastici sententiam ab eadem ecclesia non amoto sicut hec omnia et singula [quasi] in formam publicano redacta in quadam littera nostra patenti magno sigillo nostro sub data mense ffebruarij anno Domini MCC septuagesimo Tercio consignata fideliter et pleniter intelleximus contineri Set ecce magnifico principe domino [] Edwardo nunc Anglie Rege illustri predicto patri suo domino Henrico processu temporis in majestatem Regiam succedente idem dominus noster cui semper quam plurimum cordi fuit ecclesias et viros ecclesiasticos ad statum debitum ab insidiis obliquis et oppressionibus quibus libet diligentia laudabili relevari jus patronatus ejusdem ecclesie de Esseburn quod a Religionis viris abbate et Conventu Vallis Regie quibus illud pro sue voluntatis beneplacito parum ante contulerat sibi fuerat juxta ordinationem ipsius bene legitime atque pacifice ex certa scientia gratis redditum et restitutum omnino cum omnibus suis appendiciis et pertinenciis ecclesie Linc ac Decano et Capitulo supradictis fervido zelo catholice devotionis assumpte inperpetuum concessit dedit contulit et eis velut jus suum proprium pro majori certitudine reddidit intuitu pietatis sicut hec omnia et singula de facto suo in carta ejusdem excellentis principis nostri domini Edwardi inde confecta et sigillo suo patenter signata perfectius atque plenius intelleximus contineri Nos igitur de hujusmodi redintegratione et relevatione seu renunciatione juris dictorum Decani et Capituli ecclesie Linc in ecclesia predicta de Asseburn affectione paterna moti gaudentes et insuper ex bone conscientie recta considerationis acie perspicaciter attendentes favorem deo valde acceptum qui ecclesiis et maxime cathedralibus in quibus cotidianis conatibus assiduis sine intermissionis fastidio continue colitur ipse deus per hujus cultus augmento ex causa racionabili exhibetur et precipue ubi res ad suam redit naturam et priori redditur forma sue ut dominus Philippus de Wilghby nunc Decanus ecclesie Linc predictam ecclesiam de Asseburn per mortem dicti domini Petri ad presens de facto vacantem cum omnibus suis juribus et pertinenciis in proprios usus Decanatus ejusdem libere juxta prememoratam concessionem apostolicam ex renovato jure ipsius ecclesie Lincoln protinus valeat revocare ipsam Decanatui predicto cum omnibus suis juribus proventibus et pertinenciis inperpetuum applicando ac eciam ingredi et continuare possessionem ejusdem ecclesie prout predictorum predecessorum suorum temporibus ab ipsis haberi solebat et nos ipsi prenominato Magistro Roberto de Mariscis quondam Decano Linc predecessori suo concessimus jam est diu interrupcione qualibet cujus cunque hominis vel temporis interim contingente de facto nequicquam obstante ex nunc auctoritate dioecesana plene et plane sibi Decano et Capitulo ejusdem ecclesie Lincoln ex certa sciencia concedimus per presentes quibus insuper Decano et Capitulo ecclesiam predictam de Asseburn cum omnibus suis juribus et pertinenciis et pacificam possessionem ejusdem secundum jus patronatus adquisitum seu renovatum sibi jam de novo ut predicitur in eadem nos ipsi pro divini cultus augmento ceptum persequentes favorem quantum in nobis est auctoritate pontificali damus conferimus et tenore presentium irrevocabiliter confirmamus intuitu caritatis perpetuis Decanatus ejusdem ecclesie Lincoln usibus profuturas Reservantes tamen nobis protestatem auctoritate ordinaria assignandi vicario qui tempore in eadem ecclesia fuerit de ipsius ecclesie proventibus porcionem congruam unde valeat comode sustentari et Episcopalia et Archidiaconalia jura et cetera ipsius ecclesie onera supportare In quorum omnium testimonium sigillum nostrum presentibus est appensum Act et Dat apud Eccleshale octavo decimo kalend Maij anno domini MCC octogesimo nono Et pontificatus nostri tricesimo secundo