Charter Document - 06020083
| Charter Number: | 06020083 |
|---|---|
| Cartulary Title: | Charters connected with the Church of Ashburne, Derbyshire |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 - 1307 |
| Date type: | Assigned |
| Resource Link(s): |
|
Charter:
Sciant presentes et futuri quod nos frater Johannes Abbas et Conventus Monasterii Vallis Regal de Comitatu Cestrie reddimus et pro nobis et successoribus nostris quietum clamavimus Egregio principi domino Edwardo Regi Anglie illustri fundatori monasterii nostri predicti advocationem ecclesie de Esseburn et omnium Capellarum ejusdem quam quidem advocationem idem dominus et fundator loci nostri predicti nobis per cartam suam dederat et dominus H quondam rex Anglie pater ejus nobis confirmaverat volentes et concedentes pro nobis et successoribus nostris quod idem dominus fundator noster et heredes sui advocationem illam habeant et voluntatem suam inde faciant absque impedimento et reclamatione nostri vel successorum nostrorum Ita quod nec nos nec successores nostri aliquid juris vel clamii in advocatione dicte ecclesie possimus de cetero vendicare imperpetuum In cujus Rei testimonium sigillum nostrum appendimus Hiis testibus venerabilibus patribus dominis Thoma de Cantilupo Herford et Willelmo de Midilt Norwycen episcopis dominis Willelmo de Valentia Roberto de Tybecot Rogero de Mortuo Mari Hugone fil Ottonis Magistro Thoma Beek Domino Antonio Beek Domino Johanne de Kirkeby Magistris Rogero de Seyton Roberto de Scardeburg et Domino Radulfo de Hengham et aliis
Source (click image below to view full size)
