Charter Document - 06020082

Inquisicio facta in ecclesia de Esseburn super eadem in pleno loci capitulo ibidem celebrato in Crastino Sanctorum Marcellini et Petri anno Domini MCC sexagesimo per archidiaconum loci ad mandatum venerabilis in Christo patris domini R dei gratia Couentr et Lich episcopi Dicit Inquisicio quod ecclesia non vacat quia Magister Robertus de Mariscis Decanus Linc est rector ejusdem a domino R dei gratia nunc Episcopo admissus et institutus in eadem et auctoritate ejusdem per loci Archidiaconum in corporalem possessionem inductus tanquam persona ejusdem pretextu L marcarum quas tanquam Rector ejusdem percepit annuatim ratione pensionis quam quidem pensionem tres sui predecessores similiter perceperunt per manus bone memorie domini Johannis quondam vicarii ejusdem ecclesie qui obiit in vigilia Pasch anno supradicto secundum ordinationem quandam inde confectam Dicit etiam quod idem Robertus Decanus est in corporali possessione ejusdem ecclesie auctoritate domini Conuentr et Lich Episcopi nomine custodie sibi ab eodem domino concesse Dicit etiam quod Decanus ecclesie Linc est patronus dicte ecclesie qui et rector quia Rogerus de Rolleston quondam Decanus ecclesie Linc presentavit tanquam patronus ejusderu ecclesie quemdam Nicholaum de Esseburn ad dictam ecclesiam de Esseburn loci diocesanus qui ad hujusmodi presentationem ipsum admisit et instituit in eadem cum suis pertinentiis Qui quidem Nicholaus dictam ecclesiam sic pacifice possedit toto tempore vite sue post dictam suam institutionem per triginta annos et amplius quo quidem defuncto dominus Willelmus de Turnacho tunc decanus Linc tenuit dictam ecclesiam in proprios usus ex gratia bone memorie domini Alexandri tunc episcopi loc quousque idem Decanus Linc intravit religionem qui ante ejus ingressum presentavit Walterum de Cayam capellanum ad vicariam dicte ecclesie non tunc ordinatam nec taxatam Postmodum vero dominus Rogerus de Wesham Decanus Linc presentavit Johannem de Bertham capellanum ad ipsam ecclesiam ut credit idem capitulum qui quidem Johannes secundum ordinationem factam super ecclesia de Esseburn usque ad mortem suam pacifice ipsam ecclesiam tenuit nomine vicarie solvendo inde annuatim nomine personatus Decanis ecclesie Linc qui pro tempore fuerint quinquaginta marcas sterlingorum et dicto Waltero de Cayham quamdiu vixit triginta marcas nomine simplicis beneficii Estimatio autem dicte ecclesie cum omnibus suis capellis est quater viginti marc annuatim et est sine lite nisi quo ad hoc quod dominus Rex jam de novo presentavit dominum Petrum de Winton clericum ad eandem persona autem presentata ignota est Capitulo et ideo de meritis ipsius non constat eidem Capitulo