Charter Document - 06020081

Pateat universis presentes litteras inspecturis quod cum nonnulli Decani Linc ecclesiam de Esseburn Couentr et Lich dioc in qua ratione sui Decanatus jus patronatus tunc optinebant aliquamdiu in proprios usus tenuissent tandem per quandam ordinationem quam fecit [] bone memorie Couentr et Lich Episcopus loci diocesanus cum quondam Decano Linc ecclesie perpetuus est in ea institutus vicarius cui omnes preventus ejusdem ecclesie fuerant deputati Salvis dumtaxat quinquaginta marcis annuis Decano Linc ecclesie qui pro tempore fuerit per manus vicariorum perpetuis temporibus exsolvendis Couentr et Lich capitulorum assensu ad hoc ut dicitur accedente propter quod Magister Ricardus de Graveshend promotus postmodum in decanum reputans dictam ordinationem factam in ipsius Decanatus et suam non modicam lesionem ad sedem apostolicam accedens humiliter petiit super hoc sibi et eidem decanatui provideri cujus precibus pie recordationis Alexander tunc summus pontifex inclinatus nolens ex predictis dictum Decanatum pati hujusmodi lesionem ut idem Magister vel successores sui dictam ecclesiam cedente vel decedente ipsius ecclesie vicario in proprios usus Decanatus ejusdem libere possent revocare ipsam dicto Decanatui cum omnibus suis juribus proventibus et pertinentiis applicando ac etiam ingredi possessionem ejus prout dictorum suorum predecessorum temporibus ab ipsis haberi solebat dioc[esani] vel archidiaconi loci vel cujus libet alterius assensu minime requisito Assignata tamen vicario qui pro tempore in eadem ecclesia fuerit de ipsius ecclesie proventibus portione congrua unde valeat commode sustentari et episcopalia et archidiaconalia jura et cetera ipsius ecclesie onera supportare ordinatione aut premissis minime obstantibus aut aliquibus litteris sedis apostolice vel indulgentiis optentis aut optenendis per quas hujusmodi gratia possit impediri vel differi auctoritate sedis apostolice duxit liberaliter indulgendum Cumque post hec vacante vicaria memorata per mortem vicarii Magister Robertus de Mariscis tunc Decanus auctoritate predicte sedis possessionem predicte ecclesie de Esseburn canonice fuisset adeptus et eandem per aliquod tempus pacifice possedisset demum super possessione vel quasi juris patronatus ejusdem ecclesie ab illustri Rege Henrico quondam Rege Anglie in propria curia ipsius Regis conventus per breve quod de ultima presentatione vulgariter appellatur in possessorio vel quasi contrariam sententiam reportavit coram judice seculari sicque dicto Rege illustri presentante Petrum de Wynton clericum tunc Wynt nunc Couentr et Lich dioc venerabili patri [] episcopo Couentr et Lich Idem venerabilis pater de mandato Regis et precepto speciali predictum Petrum ad ecclesiam de Esseburn admisit et rectorem instituit in eadem predicto Decano per suam vel alterius judicis ecclesiastici sententiam ab eadem ecclesia non amoto Et quia hec per dioc Couentr et Lich publica sunt et notoria Nos Decanus et Capitulum Lich in memoriam rei geste presentibus in formam publicam redactis sigillum nostrum apponi fecimus in testimonium veritatis Act in Capitulo nostro Lich Anno Domini MCC septuagesimo tercio infra octav purificationis Beate Marie Virginis