Charter Document - 06020080

Omnibus presentes litteras inspecturis R divina miseratione Couentr et Lych Episcopus salutem in omnium Salvatore Noverit universitas vestra quod cum nonnulli decani Linc Ecclesiam de Esseburn Couentr et Lych dioecesis in qua ratione sui Decanatus jus patronatus tunc optinebant aliquamdiu in proprios usus tenuissent tandem per quandam ordinacionem quam fecit [] bone memorie Couentri et Lich Episcopus loci dioecesanus cum quondam Decano Linc ecclesie Perpetuus est in ea institutus vicarius cum omnibus proventibus ejusdem ecclesie fuerant deputati Salvis dumtaxat quinquaginta marcis annuis Decano Linc ecclesie qui pro tempore fuerit per manus vicariorum perpetuis temporibus exsolvendis Couentri et Lich capitulorum assensu ad hoc ut dicitur accedente propter quod Magister Ricardus de Graveshende promotus postmodum in Decanatum reputans dictam ordinationem factam in ipsius Decanatus et suam non modicam lesionem ad sedem apostolicam accedens humiliter petiit super hoc sibi et eidem decanatui provideri cujus precibus pie recordationis Alexander tunc summus pontifex inclinatus nolens ex predictis dictum decanatum pati hujusmodi lesionem ut idem Magister vel successores sui decani ecclesiam cedente vel decedente ipsius ecclesie vicario in proprios usus decanatus ejusdem libere possent revocare ipsam dicto decanatum cum omnibus suis juribus proventibus et pertinentiis applicando Ac etiam ingredi possessionem ejus prout dictorum suorum predecessorum temporibus ab ipsis haberi solebat dioecesani vel archidiaconi loci vel cujus libet alterius assensu minime requisito Assignata tamen vicario qui Pro tempore fuerit in eadem ecclesia de ipsius ecclesie proventibus portione congrua unde valeat commode sustentari et episcopalia et archidiaconalia jura et cetera ipsius ecclesie onera supportare ordinatione aut premissis minime obstantibus aut aliquibus litteris sedis apostolice vel indulgentiis optentis vel optinendis per quas hujus gratia possit impediri vel differi auctoritate sedis apostolice duxit liberaliter indulgendum Cumque post hoc vacante vicaria memorata per mortem vicarii Magister Robertus de Mariscis tunc Decanus auctoritate predicte sedis possessionem predicte ecclesie de Esseburn nostro interveniente consensu expresso canonice fuisset adeptus et eandem per aliquod tempus pacifice possedisset de juri super possessione vel quasi juris patronatus ejusdem ecclesie ab illustri Rege Henrico quondam Rege Anglie in propria curia ipsius Regis conventus per Breve quod de ultima presentatione vulgariter appellatur in possessorio vel quasi contrariam sententiam reportavit coram judice seculari sicque dicto Rege illustri presentare Petrum de Wynton tunc Wynton nunc Couentr et Lich dioecesis nobis Couentr et Lich Episcopo nos demandato Regis et precepto speciali per varias districtiones artati et compulsi predictum Petrum ad ecclesiam de Esseburn admisimus juxta regni consuetudinem et rectorem instituimus in eadem predicto decano per nostram vel alterius judicis ecclesiastici sententiam ab eadem ecclesia non amoto Et quia hec per dioecesem Couentr et Lich publica sunt et notoria Nos R dei gratia Couentr et Lich Episcopus in memoriam rei geste presentibus in formam publicam redactis sigillum nostrum apponi fecimus in testimonium veritatis Act mense februarii anno Domini MCC septuagesimo tercio