Charter Document - 06020075
| Charter Number: | 06020075 |
|---|---|
| Cartulary Title: | Charters connected with the Church of Ashburne, Derbyshire |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1241 |
| Date type: | Internal, A.D., Calendar |
| Resource Link(s): |
|
Charter:
Noverint universi quod cum venerabilis in christo pater H dei gratia Couentr et Liche Episcopus de assensu capituli Lichesf potestatem suam ordinandi de ecclesia de Esseburn cum capellis et earum pertinentiis discretis viris dominis W Decano Lichef et W Precentori Linc ecclesie commiserit ut ipsi vice sua Decani et Capituli Linc ecclesie concurrente consensu ordinent et statuant de premissis prout secundum dominum viderint expedire Ipsi auctoritate pontificali suffulti et predictorum capitulorum consensu muniti invocata Spiritus Sancti gratia in premisso negocio ordinando in hunc modum salubriter procedendo statuerunt videlicet quod dominus Decanus Lincoln qui pro tempore fuerit quinquaginta marcas ad duos terminos videlicet viginti quinque marcas infra octavas Pentecoste et viginti quinque marcas infra octavas Sancti Martini de ecclesia de Esseburn apud Esseburn per manum vicarii de Esseburn nomine pensionis percipiet annuatim Decanus etiam Lincoln qui pro tempore fuerit et ejus successores ad sex capellas videlicet de Kniueton de Mapelton de Torp de Benetley de Bradeley de Edoluoston loci dioecesano cum eas vacare contigerit personas idoneas presentabunt tanquam earum patroni salvis pensionibus dictarum capellarum quas Decanus Linc consuevit percipere de eisdem Decani etiam Lincoln qui pro tempore fuerint personas idoneas ad vicariam ecclesie de Esseburn cum eam vacare contigerit Domino Couentrens et Lichefeld Episcopo presentabunt Ita quidem quod vicarius presentatus et admissus et ejus successores presentati et admissi proventus et obvenciones omnes ecclesie de Esseburn et capellarum de Peuerwich de Hokenaston et de Aleshop tam in decimis majoribus et minoribus quam in oblacionibus quibuscunque tam in terris et tenementis quam in firmis terrarum et homagiis tam in exitibus quam eschaetis et omnibus aliis commoditatibus inperpetuum percipient nomine vicarie salvis quinquaginta marcis quas institutus vicarius et ejus successores instituti et admissi sub iuramenti astrictione Decanis Lincoln qui pro tempore fuerint in institucione sua facienda persolvent terminis statutis vicarius vero de Esseburn et ejus successores omnia onera ecclesie de Esseburn et trium capellarum supradictarum inperpetuum tam in spiritualibus quam in temporalibus sustinebunt in ecclesia de Esseburn per se ipsum personaliter cum duobus capellanis et uno diacono et uno subdiacono honorifice deserviendo et honeste et in tribus capellis videlicet Peuerwich Hokenaston et Aleshop per capellanos idoneos tam in hospitalitate sectanda apud Esseburn quam in divinis officiis in dicta matrici ecclesia et ejus tribus jam dictis capellis salubriter sustinendis Et ut hec eorum ordinacio auctoritate majori suffulta futuris maneat temporibus inconcussa presentem paginam sigillorum venerabilis patris domini H Couentrens et Lichesfeld Episcopi necnon et Decani Lincoln et etiam Capitulorum Lincoln et Lichesf ecclesiarum suorumque apposicione signorum roborari fecerunt Act quinto Idus Januarij in majori ecclesia Lichesf Anno gracie millesimo ducentesimo quadragesimo
Source (click image below to view full size)
