Charter Document - 06020073

Alexander Episcopus servus servorum Dei dilecto filio Magistro Ricardo Decano Linc salutem et apostolicam benedictionem Ex tenore tue petitionis accepimus quod cum olim nonnulli Decani Lincolnienses predecessores tui ecclesiam de Esseburn Conuentren et Lichefelden dioc in qua racione tui Decanatus jus patronatus obtines in usus proprios tenuissent tandum per quandam advocacionem quam fecit bone memorie Conuentren et Lichefelden Episcopus loci diocesanus cum quodam Decano Lincoln predecessore tuo perpetuus est institutus in eadem ecclesia vicarius cui plusquam medietas proventuum ejusdem ecclesie juxta ordinacionem eandem extitit deputata Conuentren et Lichefelden Capitulorum assensu ad id postmodum ut dicitur accendente in ipsius Decanatus et tuam non modicam lesionem unde humiliter petisti super hoc tibi et eidem Decanatui provideri Nos itaque tuis supplicationibus inclinati ut tu vel successores tui dictum ecclesiam cedente vel decedente ipsius ecclesie vicario cum nolimus ex premissis dictum Decanatum pati hujusmodi lesionem in proprios usus Decanatus ejusdem libere revocare possitis ipsam dicto Decanatui cum omnibus suis juribus proventibus et pertinentiis applicando ac etiam ingredi possessionem ejus prout dictorem predecessorum tuorum temporibus ab ipsis haberi solebat diocesani vel archidiaconi loci aut cujus cunque alterius assensu minime requisito assignata tamen vicario qui pro tempore in eadem ecclesia fuerit de ipsius ecclesie proventibus portione congrua unde valeat commode sustentari et episcopalia et archidiaconalia jura et cetera ipsius ecclesie onera supportare ordinatione ac aliis premissis nequaquam obstantibus aut aliquibus litteris apostolice sedis super quorumcunque pensionibus imperpetuis vel imposterum impetrandis seu reservationibus aut inhibitionibus per eas factis vel etiam faciendis seu aliis litteris vel indulgentiis apostolicis a quibuscunque obtentis vel etiam obtinendis per quas hujusmodi gratia impediri valeat vel differri auctoritate presentium indulgen Nulli ergo omnino homini liceat hanc paginam nostre concessionis infrangere vel ei ausu temerario contraire si quis autem hoc acceptare presumpserit indignatione omnipotentis Dei et Beatorum Petri et Pauli Apostolorum ejus se noverit incursurum Dat Viterbij xii kal Junij Pontificatus nostri Anno quarto