Charter Document - 06020072
| Charter Number: | 06020072 |
|---|---|
| Cartulary Title: | Charters connected with the Church of Ashburne, Derbyshire |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1250 |
| Date type: | Internal, A.D., Calendar |
| Resource Link(s): |
|
Charter:
Noverit universi quod cum venerabilis in Christo pater H Dei gratia Coventr et Lichesfeld Episcopus de assensu capituli Lich potestatem suam ordinandi de Ecclesia de Esseb cum capellis et earum pertinentiis discretis viris dominis W Decano Lichefeld et W Precentori Linc ecclesie commiserit ut ipsi vice sua Decani et Capituli Linc ecclesie concurrente consensu ordinent et statuant de premissis prout secundum dm viderint expedire Ipsi auctoritate pontificali suffulti et predictorum Capitulorum consensu muniti invocata Sancti Spiritus gratia in premisso negotio ordinando in hunc modum salubriter procedendo statuerunt videlicet quod dominus Decanus Lincoln qui pro tempore fuerit quinquaginta marcas ad duos terminos videlicet viginti quinque marcas infra octavas Pentecost et viginti quinque marcas infra octavas Sancti Martini de ecclesia de Esseb per manum vicarii de Esseb nomine pensionis percipiet annuatim Decanus etiam Linc qui pro tempore fuerit et ejus successores ad sex capellas videlicet de Kniueton de Mapilton de Torp de Benecleg de Bradeleg de Edolueston loci diocesano cum eas vacare contigerit personas ydoneas presentabunt tamquam earum patroni Salvis pensionibus dictarum capellarum quas Decanus Linc consuevit percipere de eisdem Decani etiam Linc qui pro tempore fuerint personas idoneas ad vicariam ecclesie de Esseb cum eam vacare contigerit Domino Coventr et Lich Episcopo presentabit Ita quidem quod vicarius presentatus et admissus et ejus successores presentati et admissi proventus et obventiones omnes ecclesie de Esseb et capellarum de Peuewych de Hokenaston et de Aleshop tam in decimis majoribus et minoribus quam in oblacionibus quibuscunque tam in terris et tenementis quam in firmis terrarum et homagiis tam in exitibus quam escaetis et omnibus aliis commoditatibus imperpetuum percipient nomine vicarie salvis quinquaginta marcis quas institutus vicarius et ejus successores instituti et admissi sub juramenti astrictione Decanis Linc qui pro tempore fuerint in institutione sua facienda persolvent terminis statutis vicarius vero de Esseburn et ejus successores omnia onera ecclesie de Esseb et trium capellarum predictarum imperpetuum tam in spiritualibus quam in temporalibus sustinebunt in ecclesia de Essb per se ipsum personaliter cum duobus capellanis et uno diacono et uno subdiacono honorifice deserviendo et honeste et in tribus capellis videlicet Peuewich Hokenaston et Aleshop per capellanos idoneos tam in hospitalitate sectanda apud Esseb quam in divinis officiis in dicta matrici ecclesia et ejus tribus jam dictis capellis salubriter sustinendis Et ut hec eorum ordinacio auctoritate majori suffulta futuris temporibus maneat inconcussa presentem paginam sigillorum venerabilis patris domini H Coventr et Lich Episcopi necnon Decani Linc et etiam Capitulorum Linc et Lich ecclesiarum suorumque apposicione signorum roborari fecerunt Dat quinto Id Januarii in major ecclesie Lich Anno gratie millesimo Ducentesimo quinquagesimo
Source (click image below to view full size)
