Charter Document - 06011204

Universis presentes litteras inspecturis magister Petrus de Condeto custos ecclesie Peronensis salutem in Domino Ad perpetue sanctionis memoriam que provide et consulte gesta sunt providius et consultius expedit litterarum patrocinio confirmare Olim siquidem per venerabilem virum Radulphum tunc ecclesie Peronensis custodem pensata evidenti utilitate custodie ecclesie Peronensis predicte ad instanciam et supplicationem viri utique discreti domini Symonis dicti Audee canonici et cantoris ecclesie Beati Audomari Morinensis diocesis tunc ecclesie Peronensis perpetui capellani hominibus custodie conditionis corporee utriusque sexus qui ad hec tria tenebantur custodi videlicet ad petendum a dicto custode vel tenente locum suum licentiam se ipsos maritandi et postquam maritati erant licentia ut dictum est obtenta duos denarios par ipsi custodi annuatim exsolvere tenebantur et portionem ipsos contingentem ejusdem tallie videlicet duodecim librarum par quas homines et scabini de Ballues annis singulis faciebant domino regi persolvendas divino nutu et divine clementie intuitu manumissis et donatis penitus libertati ac ab onere [] et conditione corporea liberatis et penitus absolutis adjectis tamen hiis conditione et modo quo predictus Symon in recompensatione facti hujusmodi et gratie libertatis divine caritatis intuitu pro suorum remissione peccaminum sexaginta solidos parisiensis monete custodi ecclesie Peronensi qui pro tempore fuerit liberaliter concessit perpetuo in festo Omnium sanctorum super totam terram suam sitam apud Ballues et apud Floecourt capiendos expresso inter eos et adjecto quod dictus custos eidem Symoni promisit quod quamprimum sibi assignamentum sufficiens faceret de dicto redditu alibi capiendo dictas terre suas liberaret omnino ab onere redditus supradicti demum magister Gerardus de Betencourt predecessor noster dictam adeptus custodiam factum predicti Radulphi supra manumissione et libertate predictis et dicti domini Symonis supra recompensatione predictorum tunc facienda concessit et etiam approbavit et pro dictis sexaginta solidis parisiensis monete recipiendis et perpetuo habendis a dicto Symone in assignamentum quod tunc forte sufficiens estimavit quinque jomalia terre arabilis parum plus vel parum minus sita in dictrictu de Ballues in campo qui dicitur de Roinseto inter Herbecourt et Canni de tenemento ipsius custodis acceptavit Nos vero qui ad presens in dono regio prefatam obtinemus custodiam supra premissis habita deliberatione diligenti in facto dicti Gerrardi predecessoris nostri sicut superius est expressum nostram custodiam predictam ledi sentientes ostendimus manifeste dicto domino Symoni Audee quinque predicta jomalia terre minus sufficienter valere sexaginta solidos redditus annuatim propter quod petebamus ab ipso quadam arrieragia a tempore nostro nobis restitui et augmentum sufficiens predictis quinque jornalibus adhiberi Quod attendens dictus Simon et nolens quod illud quod fecerat ob mere liberalitatis gratiam ad statum pristinum redigi posset de bonorum et prudentum consilio in supplementum lesionis hujusmodi nobis contulit decem et septem libras et decem solidos parisiensis monete in bona et bene numerata pecunia cum quinque predictis jornalibus terre ad emendam aliam terram in augmentum redditus supradicti de qua pecunie summa jam emi fecimus duo alia jomalia et sex virgatas terre arabilis a Roberto de Curia et Perina ejus uxore sita inter Floecourt et Liebecourt in valle que dicitur de Sailli in duabus peciis in districtu nostro et custodie nostre predicte beneficio restitutionis in integrum et omni exceptioni doli mali deceptionis vel lesionis quia de bona fide et condigna recompensatione certi extitimus in premissis Volumus etiam quod si alique littere inveniantur que in facto hujusmodi ratione obligationis alicujus dicto Symoni Audee vel ab eo causam habentibus obesse possint pro is penitus habeantur In cujus rei testimonium et munimen presentes litteras fecimus sigilli nostri munimine roborari requirentes etiam venerabile capitulum vacante decanatu ecclesie Peronensi quod ad hujus rei memoriam et perpetuam firmitatem presentibus litteris una cum nostro suum faciant apponi sigillum