Charter Document - 06011180

Universis presentes litteras inspecturis Bernardus miles et dominus de Caroviro et Beatrix ejus uxor salutem in Domino Noverit universitas vestra quod cum nos haberemus et teneremus quadraginta libratas terre moventes ex hereditate domine Beatricis quam tenebamus ab illustri rege Francorum in feudum site apud Villers le Faucon et apud Moilens in castellania de Perona nos dictas quadraginta libratas terre et quicquid juris habebamus in ea et occasione ejus et quicquid tenebamus ab illustri rege Francorum in castellania de Perona vel habere poteramus quoquo modo vel jure vendidimus et concessimus pleno jure sine diminutione qualibet et tradidimus titulo vendicionis domino Guillelmo de Lerramunt et Perronisse ejus uxori et heredibus eorum pro sexcentis et triginta libris par nobis numeratis et solutis a dictis emptoribus renunciantes exceptioni non numerate pecunie exceptioni doli in factum omnique beneficio juris vel facti per quod per nos vel per alium contra premissa venire possemus et quittamus eisdem emptoribus et heredibus eorum sive causam habentibus ab ipsis spontanei non coacti quicquid juris habebamus vel habere poteramus quoquo modo vel jure in dictis quadraginta libratis terre et in omnibus que tenebamus a dicto domino rege in castellania predicta pro summa pecunie supradicta promittentes pro nobis et heredibus nostris eisdem emptoribus et heredibus suis premissa garantizare ad usus et patrie consuetudines contra omnes et de recta garencia supra premissis ferenda nos et heredes nostros et omnia bona nostra mobilia et immobilia in quibuscumque locis vel rebus consistant eisdem emptoribus et eorum heredibus in contraplegium obligamus et ne contra predictam vendicionem veniri possit quoquomodo presens scriptum munimine sigillorum nostrorum duximus roborandum Datum anno Domini MCC quinquagesimo nono die dominica in festo beati Andree apostoli