Charter Document - 06010195

Universis presentes litteras inspecturis [] capitulum ecclesie Peronensis salutem in Domino Noverint universi quod cum inter nos ex una parte et viros religiosos abbatem et conventum monasterii Ayulcurtensis ex altera fuisset materia questionis super quibusdam terris et quodam manso sitis in territorio de Flers et super bonis mobilibus exinde pertinentibus que terre cum manso predicto fuerunt Guifridi de Flers et quas terras cum dicto manso nos dicebamus ad nos et ecclesiam nostram pertinere dictis abbate et conventu contrarium asserentibus et dicentibus dictas terras cum dicto manso ad ipsos et monasterium suum pertinere tandem nos et dicti abbas et conventus super dicta discordia compromisimus in arbitros videlicet in magistrum Jacobum de Duaco concanonicum nostrum fratrem Adam de Gontardi domo et dominum Johannem de Chans militem in modum qui sequitur et pena subscripta videlicet quod iidem arbitri homines arbitrum in se suscipientes et in ipso arbitro procedentes secundum rationes tam juris quam facti ab utraque parte coram ipsis allegatas et probatas omne quod clarum erit et absque ambiguo et exprimerent statim et absque strepitu terminabunt Super ambiguo vero de quo in unam non poterint concordare sententiam prudentum responsa requirent et exinde consulti provide arbitrali sententia terminabunt et earum arbitralis sententia de alto et basso inviolabiliter observabitur hinc et inde sub pena sexaginta librarum par parti arbitralem sententiam a parte resiliente ab eadem sententia arbitrali reddendarum adjecto tamen in hujusmodi compromisso quod ipsi tres prenominati arbitri vel compositores in unam et eamdem concordent sententiam auditis omnibus hiis qui audire voluerint et eos monere poterint et si discordes vel dissentientes fuerint compromissum hujusmodi pro non adjecto habeatur Et ad majorem cautelam inter nos et ipsos religiosos amicabiliter est conventum quod nos fidejussores ipsis religiosis ante omnem processum dabimus de omni eo refundando eisdem religiosis absque strepitu quod per sententiam arbitralem ipsorum arbitrorum dictum fuerit vel terminatum Et debent ipsi arbitri suam sententiam arbitralem super permissis proferre infra nativitatem beati Johannis Baptiste primo venturam concedimus etiam dictis arbitris plenariam potestatem dictam diem compromissi usque ad aliam diem seu dies alias continuandi seu etiam prorogandi prout sibi et dicto compromisso videbitur expedire et quotiens eisdem arbitris videbitur oportunum Et est inter nos et ipsos religiosos tantum et in vallatione arbitrii amicabiliter in pactum deductum quod ipsi ante omnem processum dictorum arbitrorum suum procuratorem legitime ordinatum et sufficienter instructum coram magistro Philipo de Gornacho procuratore in causa appellationis a nobis impetrato vel ejus subdelegato ad diem prefixam destinabunt et eidem procuratori [] qui ipse nomine procuratoris loco sui suum prebeat assensum et consensum quod dictus magister Philippus vel ejus subdelegatus totalem processum esse notum est ex eo vel ob se irritum et inane et quoad usque idem magister Philippus vel ejus subdelegatus hoc fecerint interdicto ipsi magistro Philippo in ipsa causa appellato delegata penes ipsum magistrum Philippum integraliter remanebit In cujus rei testimonium presentem cedulam compromissi eisdem religiosis sigillo nostro tradidimus roboratam Datum anno Domini millesimo ducentesimo septuagesimo septimo mense aprili