Charter Document - 06010184
| Charter Number: | 06010184 |
|---|---|
| Cartulary Title: | Charters of St-Fursy of Peronne |
| Charter Language: | Latin |
| Charter Origin: | Religious |
| Charter Type(s): | Approval, Concession |
| Date: | 1264 |
| Date type: | Internal, A.D. |
| Resource Link(s): |
|
Charter:
Ego Hugo de Soyecort miles notum facio omnibus tam presentibus quam futuris quod cum magister et fratres domus hospitalis de Soyecort haberent et possiderent unum jornale terre site in territorio de Herbecort quod tenebant de ecclesia Peronensi sub annuo censu vel redditu quinque boistellorum bladi et sex boistellorum et dimidium avene et duorum denariorum par et dicta ecclesia Peronensis haberet dimidium jornale terre site in territorio de Soyecourt in loco qui dicitur inter le Tombele et Longam royam dicti magister et fratres recognoverunt coram me se cum predicta ecclesia Peronensi de predictis terris permutationem fecisse hoc modo scilicet quod dicta ecclesia predictum jornale terre tenebit et perpetuo possidebit in perpetuum et tenebunt de predicta ecclesia sub annuo censu duorum denariorum par dicte ecclesie Peronensi vel ejus servienti seu nuncio annis singulis in festo sancti Remigii in capite octobris reddendorum Ego vero utilitatem dicte domus in dicta permutatione fore plurimum procuratam considerans et attendens cum dictum dimidium jornale terre utilius sit dicte domui quam jornale predictum maxime etiam cum dicti magister et fratres non possent dicti jornale terre pacifica possessione gaudere sed oportebat eos illud vendere vel extra manum suam ponere dictam permutationem quantum in me est ad instanciam petitionem dictorum magistri et fratrum volui laudavi et etiam approbavi In cujus rei testimonium sigillum meum duxi presentibus litteris apponendum Datum anno Domini MCC sexagesimo tercio mense martio