Charter Document - 06010182

Universis presentes litteras inspecturis O decanus totumque capitulum ecclesie Beati Fursei Peronensis salutem in Domino sempiternam Noverint universi presentes et futuri quod cum dominus Petrus dictus Querqus concanonicus noster teneret ut dicebat de nobis et ecclesia nostra sub annuo censu sex solidorum par quadraginta et novem jornalia et dimidium terre parum plus vel parum minus sita in territoriis de Byarch de Guimecort et de Francinecort in locis subnotatis videlicet in campo ad Combam de Guimecort octo jornalia quinque virgis et dimidiam minus Item in campo Dandelin Jornel juxta longum buverium episcopi duo jornalia et dimidium et viginti virgas et dimidiam Item in campo ad crucem sancti Florentii septem jornalia Item in campo ad Boutouniers quatuor jornalia et dimidium et unum quartarium Item in campo de Basinemont quatuor jornalia et dimidium Item in campo des Fossiaus quatuor jornalia et quadraginta et quatuor virgas Item in campo deu Carnoy tria jomalia et dimidium quatuor virgis minus Item in campo ad conturellam unum jornalium undecim virga minus Item ad Combellam Huberti novem jornalia et dimidium et duodecim virgas Item ad Rubum et ad Renautval tria jornalia undecim virgas minus et ad peciam supra dictum Rubum unum jornalium et triginta et unam virgas Dictus Petrus in nostra presencia propter hoc constitutus spontaneus non coactus recognovit coram nobis et hominibus ecclesie nostre se religiosis mulieribus [] abbatisse et conventui monasterii Beate Marie de Byarch juxta Peronam Cysterciensis ordinis Noviomensis dyocesis tertiam partem dictarum terrarum dedisse donatione inter vivos contulisse et concessisse mense januario ultimo preterito in puram et perpetuam elemosinam ob remedium anime sue et parentum suorum asserens se ordinasse quod dicte abbatissa et conventus predictam tertiam partem dictarum terrarum habeant in predictis campis scilicet in campo ad Combam de Guimecort in campo Dandelin Jornel et in campo ad crucem sancti Florentii alias vero duas partes predictarum terrarum dictus Petrus coram nobis et hominibus nostris vendidit dictis abbatisse et conventui pro trecentis et sexaginta et quindecim libris et novem solidis par de quibus dictus Petrus recognovit coram nobis sibi satisfactum fuisse ad plenum a dictis abbatissa et conventu in pecunia numerata Et nos utilitate ecclesie nostre pensata cum census qui nobis pro predictis terris debebatur augmentetur ad instanciam dicti Petri se de dicta terra devestientis et resignantis eamdem in manu nostra ad opus dictarum abbatisse et conventus coram hominibus ecclesie nostre predictam abbatissam pro se et dicto conventu de dictis terris de nobis in perpetuum tenendis investivimus salvo jure ecclesie nostre et quorumlibet aliorum ita etiam quod nos retinuimus et retinemus in eisdem terris totum dominium et totam justiciam altam et bassam magnam et parvam Pro quibus terris dicte abbatissa et conventus tenentur nobis reddere singulis annis ad festum Omnium sanctorum ad cellarium ecclesie nostre sumptibus suis propriis duos modios bladi censuales ad mensuram peronensem sani et pagabilis preterea quocienscumque contigerit novam creari abbatissam in dicto monasterio de Byarch qualitercumque istud contingat sive per mortem sive per resignationem vel cessionem aut alio modo dicte abbatissa et conventus pro relevamento dicte terre duos modios bladi ad dictam mensuram sani et pagabilis infra quadraginta dies postquam nova abbatissa ibidem fuit instituta nobis reddent et solvent sumptibus suis propriis ad cellarium ecclesie nostre aliis duobus modiis censualibus nobis in dicto termino Omnium sanctorum prout dictum est nichilominus persolvendis Si vero contingat dictas duas partes terre predicte emptas retrahi per aliquem propinquorum dicti Petri dicte abbatissa et conventus pro tercia parte dicte terre sibi in elemosinam collata de predictis duobus modiis censualibus tertiam partem solum nobis solvere tenebuntur modo et condicionibus antedictis De aliis vero duobus modiis pro dicto relevamento nobis debitis solvent nobis similiter terciam partem solum prout superius in solutione relevaminis est expressum Et mediante predicto blado nos dictas abbatissam et conventum quitavimus in perpetuum de predictis sex solidis par censualibus qui nobis pro dictis terris sicut dictum est debebantur tali modo quod si aliquis propinquorum dicti Petri retrahat duas partes terrarum predictarum dictis abbatisse et conventui venditas eedem abbatissa et conventus de tercia parte dictorum sex solidorum erunt quite in perpetuum et immunes et retrahentes dictas duas partes terre nobis duas partes dictorum sex solidorum censualium in perpetuum solvere tenebuntur Que ut rata et stabilia in perpetuum perseverent presentes litteras sigilli nostri munimine fecimus roborari Actum anno dominice Incarnationis millesimo ducentesimo sexagesimo secundo mense martio XIIII kalendas aprilis