Charter Document - 06010131
| Charter Number: | 06010131 |
|---|---|
| Cartulary Title: | Charters of St-Fursy of Peronne |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1232 |
| Date type: | Internal, A.D., Feast |
| Resource Link(s): |
|
Charter:
Viro venerabili et discreto domino et amico suo karissimo magistro P de Collemedio preposito Sancti Audomari J decanus et capitulum Peronensis ecclesie salutem et cum omni reverentia et honore paratum ad beneplacita famulatum Noverit discretio vestra quod nos Fromondum ecclesie nostre cancellarium latorem presentium nostrum constituimus procuratorem super hiis de quibus inter venerabilem patrem Nicholaum Dei gratia Noviomensem episcopum ex una parte et nos ex altera in nos extitit compromissum et ad tractandum de pace super articulis furtivarum nuptiarum et ad jurandum in animas nostras super premissis si vederit expedire ratum habituri quicquid dictus Fromondus feria secunda post festum beate Marie Magdalene coram vobis super premissis fecerit vel dixerit et hoc vobis et parti significamus adverse Actum anno Domini MCCXXXII mense julio in crastino Beate Marie Magdalene