Charter Document - 06010088

Ricardus Dei gratia Ambianensis episcopus universis presens scriptum inspecturis in Domino salutem Notum vobis facimus quod veniens in presentia nostra Mainerus presbiter de Prohaz triginta jornelia terre que de canonicis Sancti Fursei de Peronnia sub censu quinque solidorum tenebat in territorio de Prohaz ab eisdem canonicis sibi in elemosinam concessa et donata contulit et donavit in perpetuam elemosinam capellanie quam ipse instituit apud Prohaz ob remedium anime sue et antecessorum suorum et capellano ibidem Deo servituro salvo censu predictis canonicis debito et in manum nostram dictam capellaniam cum elemosina resignavit Capellanus itaque ibidem a nobis et a nostris successoribus instituendus in dicta capellania divina celebrabit et presbitero curato de Prohaz juratoriam cautionem prestabit quod omnes oblationes quas in capella vel infra terminos parochie percipiet presbitero curato reddet et per omnia jus parochiale integrum conservabit Legatum autem ei um licebit percipere nisi de voluntate presbiteri curati nisi presbiter curatus majus vel equale legatum habuerit eo excepto quod si in terra vel redditu perpetuo fuerit ei aliquid legatum illud sine diminutione optinebit Capellanum vero oportebit ibidem mansionarium esse et se non plus quam per mensem absentare poterit nisi necessaria causa et licentia episcopi assignato etiam ibidem pro se vicario Ceterum nemo ibidem instituatur nisi presbiter vel talis qui infra annum in sacerdotem possit promoveri et nichil de beneficio prefate capellanie recipiet donec in ea in propria persona deserviet in ordine sacerdotali Nos igitur ut hoc ratum et inconcussum permaneat et ne aliqua in posterum suscitetur super hoc occasio malignandi presens scriptum in cyrographum divisum pontificalis sigilli patrocinio confirmamus Actum anno gratie MCC nono mense aprili