Charter Document - 06010080

H decanus et capitulum Perone omnibus presentes litteras inspecturis in perpetuum Noverint tam futuri quam presentes quod querela que inter Radulfum presbiterum de Marcelet ex una parte et fratrem Renerum tunc provisorem ceterosque fratres domus leprosorum de Sohiercurt ex altera super decimis nutrimentorum animalium hortorum pomeriorum necnon et super oblationibus ad capellam leprosorum provenientibus de familia etiam leprosorum in exhibitione Christianitatis procuranda que omnia presbiter cum domus dicta infra terminos parochie sue sita sit ad se jure parochiali pertinere asserebat vertebatur coram nobis de assensu nostro ad quos parochie illius spectat personatus assensu etiam partium hoc modo terminata est predicta domus de cetero ab omni solutione decime tam hortorum quam pomeriorum quam nutrimentorum animalium libera et immunis remanebit nec aliquam hujusmodi decimam a domo ilia exiget presbiter de Marcelet Leprosi conversi et converse domus parochiani erunt capellani domus ejusdem et ab eo jura Christianitatis recipient Alii vero servientes domus conductitii sive masculini sive feminini sexus a presbitero de Marcelet solatium omne Christianitatis recipient eique non capellano leprosorum de jure parochiali respondebunt In diebus solemnibus qui natales appellantur capellanus leprosorum oblationes parochianorum de Marcelet minime recipiet et si forte aliqua receperit ea presbitero parochiali reddere tenebitur Preterea domus sepedicta singulis annis reddet presbitero de Marcelet in Natali Domini XVIII d et in Pascha XVIII Quod ut fidelibus memorie commendetur ad partium petitionem sub cyrographo fecimus annotari et sigilli nostri caractere communiri Actum anno Domini MCCVI mense junio datum per manum magistri Stephani cancellarii