Charter Document - 06010049

Clemens episcopus servus servorum Dei dilecto filio decano Peronensis ecclesie salutem et apostolicam benedictionem Cum insolentia laicorum in bona ecclesiastica debacchetur ad ipsorum dampnabilem audaciam reprimendam oportet ecclesiasticam auctoritatem adesse qua malignantium nequitia refrenetur et ab infestationibus gravioribus valeat aliquatenus juris ecclesiastici respirare Sed quoniam in eis reprimendis inveniuntur sepius superiores prelati et pontifices negligentes juxta rationabilem postulantium voluntatem expedit illis concedere potestatem presumentium malitiam refrenandi qui subsequentes sunt in ecclesiarum regimine constituti et de amovendis detrumentis earum et de ipsorum salute malefactorum sollicitudinem desiderant competentem habere Ea propter dilecte in Domino fili tuis postulationibus annuentes tibi et capitulo ecclesie Peronensi apostolica auctoritate concedimus ut in malefactores ipsius ecclesie nisi legitima anmonitione premissa congrue satisfecerint licitum sit de consilio et assensu majoris et sanioris partis capituli excommunicationis sententiam promulgare Prohibemus insuper ne aliquis prelatorum malefactores ecclesie memorate in quos fuerit excommunicationis lata sententia nisi fuerit congrue satisfactum ab excommunicationis reddat vinculo absolutos Quando vero excommunicati ipsi ad satisfactionem venire voluerint nichilominus absolvendi eos sufficienti prestita cautione quod stabunt judicio ecclesie tue super injuris et dampnis illatis liberam tibi et capitulo tribuimus auctoritate apostolica facultatem i ergo omnino hominum liceat hanc paginam concessionis et prohibitionis infringere vel ei ausu temerario contraire Si quis autem hoc attemptare presumpserit indignationem Dei et beatorum Petri et Pauli apostolorum ejus se noverit incursurum Datum Laterani idus junii pontificatus nostri anno primo