Charter Document - 06010038

In nomine sancti et individue Trinitatis Predecessorum nostrorum veneranda consuevit auctoritas gesta sua scripto commendare quo representatione scripture gestorum relegaretur oblivio Unde ego Hugo Peronensis ecclesie decanus et totum capitulum patrum nostrorum consuetudini faventes quandam conventionem que inter nos et fratres de Valcellis habita est litteris annotari fecimus Notum ergo sic presentibus et futuris quod Radulfus de Taiencort et Robertus de Archai in capitulo nostro reliquerunt ad opus predictorum fratrum nemus quoddam juxta nemus de Martini valle quod cum terra arabili ad mensuram Perone quatuor modios in semine suscipienti de ecclesia nostra jure hereditatis tenebant sub annuo censu duorum solidorum cathalaunensis monete singulis annis in festo sancti Remigii Perone solvendorum eo nimirum pacto quod pro predicto nemore Radulfo singulis annis vite sue XII mancaldos frumenti ad mensuram Perone solvent Eo defuncto heredi suo tantum X Roberto autem ejus sororio suisque heredibus singulis annis XXIIII mencaldos frumenti ecclesie nostre ab antiquo assignatum duos videlicet solidos cathalaunensis monete persolvent predicti fratres Radulfus vero et Robertus et eorum heredes et censum quem a predictis fratribus pro nemore jam dicto recipient et terram residuam in semine IIII modios ad mensuram Perone suscipientem cujus tercia pars in jus Odonis fratris prefati Radulfi jam cessit de ecclesia nostra tenebunt sicut prius et nemus et terram nec ab eis censum aliquem ob hoc ecclesia nostra exiget Sed si qua super predicta possessione inter eos invicem vel inter eos et alios orta fuerit contentio judicio ecclesie nostre stabunt Nos autem sepedictis fratribus nemus prefatum reddidimus et in perpetuum tenendum concessimus salvo jure ecclesie nostre et censu Qui etiam si forte pro nemore vel censu in causam tracti fuerint vel quenquam traxerint similiter ecclesie nostre stabunt judicio Lucia filia Roberti de Archai cui a patre et matre due partes nemoris assignate erant huic dono a patre suo et avunculo facto interfuit et pro parte sua probavit et ratum habuit Preterea concessimus eis nemus quoddam unius orti quantitatem continens nemori de Piseriis et nemori Maion interjacens quod nostrum erat de dote altaris de Roisest sub annuo censu trium solidorum cathalaunensis monete et duas sextariatas nemoris inter sartum de Blihercort et nemus Maion et sextariatam unam et dimidiam terre apud Halotes sub annuo censu duorum solidorum cathalaunensis similiter monete Perone singulis annis in festo sancti Remigii solvendorum Hoc pacto quod si quis eos supra eo nemore et tribus sextariatis et dimidia reclamando molestaverit nos eis et coram ecclesiastico judice et coram laico si necesse fuerit donum nostrum tuebimur ipsis sumptus providentibus Si vero illud nemus et tres sextariatas et dimidiam ecclesie nostre reddere voluerint non eis licebit nisi et reliquam censuram simul reddant Quod si eis donum nostrum tueri non poterimus ipsi et a censu quinque solidorum liberi erunt et reliquam censuram reddere non tenebuntur Hac conventione debent fratres de Valcellis ecclesie Peronensi VII solidos cathalaunensis monete singulis annis Concessimus etiam jam dictis fratribus sub censu duorum solidorum cathalaunensis monete perpetuo possidendum totum nemus quod dicitur Maion quod Gerardus de Runsoi cum particibus suis a nobis tenebat Pro quo nemore jam dictus Gerardus quoad vixerit quinque modios frumenti ad mensuram Perone singulis annis accipiet Post decessum vero ejus unus modius decidet et reliquos IIII heres ejus accipiet Wicardo autem participi Gerardi IIII modii frumenti mensure supradicti perpetuo singulis annis solventur Quem tamen censum i omnino dare poterunt aut vendere nisi ecclesie Valcellensi abbas etiam de Monte Sancti Quentini quicquid juris habuit in supradicto jam nemore assensu conventus sui prefate ecclesie libere possidendum contradidit Ut autem hoc ratum permaneat diviso inter nos et illos cyrographo presentem paginam utriusque ecclesiarum nostrarum sigillo munimimus Hujus rei testes sunt Odo cantor Roscelinus et Radulfus sacerdotes Hugo et Ingrannus diaconi Gossinus Rabbodus Gerardus Petrus subdiaconi Ego Gerardus cancellarius legi et subscripti Actum Perone anno Domini MCLXXVII