Charter Document - 06010026
| Charter Number: | 06010026 |
|---|---|
| Cartulary Title: | Charters of St-Fursy of Peronne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1162 |
| Date type: | Internal, A.D. |
| Resource Link(s): |
|
Charter:
Ego Radulphus Viromandie comes consuetum et honestum morem nobilium principum imitatus ad augmentum honoris sancte Dei ecclesie et conservandum specialiter intendens notum facio presentibus et futuris quod Robertus de Miraumont primogenitus Anselli et Ingerannus frater ejusdem Roberti duas partes decime novalium de Halu quas pater eorum Anselmus ecclesie Beati Fursei contra jus et fas violenter abstulerat et Ingeranno clerico filio suo in feodum dederat per manum meam et per manum I comitis Suessionensis ad quem tunc temporis balliata terre mee spectabat injuriam suam recognoscentes in manu decani Perone et canonicorum presentibus baronibus meis ob remedium anime patris sui reddiderunt et ne deinceps inquietationem aliquam super hoc ecclesie facerent fidejussores et obsides nobis dederunt firmantes istud fide et sacramento se tenere bona fide et sine dolo hac tamen conditione predictus Ingerannus clericus dimidiam predicte decime novalium de Halu in vita sua tantum censualiter obtinebit ita quod singulis annis unum sextarium frumenti ad mensuram Perone pro censu decime canonicis reddet post mortem vero ejusdem Ingeranni totam decimam sine ullius heredis reclamatione ecclesie Peronensi integre et absolute imperpetuum possidebit Et ut hoc ratum et inconvulsum permaneat sigilli nostri munimine roborari testiumque subscriptorum attestatione confirmare feci S Comitis Ivonis S Anselli Candavene et fratrum ejus Radulfi et Guydonis S Radulphi castellani S Symonis buticulari S Canonicorum Gilberti decani Roscelini Magistri Milonis Simonis Rabodi Actum anno dominice Incarnationis MCLXII