Charter Document - 06010025

Anastasius dilectis filiis Huberto decano Peronensis ecclesie ejusque fratribus tam presentibus quam futuris canonice substituendis in perpetuum Effectum justa postulantibus indulgere et vigor equitatis et ordo exigit rationis presertim quando petentium voluntatem et pietas adjuvat et veritas non relinquit Eapropter vestris justis postulationibus clementer annuimus et prefatam ecclesiam in qua divino mancipati estis obsequio felicis memorie predecessoris nostri pape Paschalis vestigiis inherentes sub beati Petri et nostra protectione suscipimus et presentis scripti privilegio communimus statuentes ut quascumque possessiones quecumque bona eadem ecclesia in presenti juste et canonice possidet aut in futurum concessione pontificium largitione regum seu aliis justis modis prestante Domino poterit adipisci firma vobis vestrisque successoribus et illibata permaneant in quibus hac propriis duximus exprimenda vocabulis decimas oblationes et rerum venalium debitas et antiquas consuetudines omniaque parochialia jura et justitiam Peronensis castri curam et iustitiam canonicorum Sancti Fursei et Sancti Leodegarii de oppido et illorum clericorum quifuerint de choro ecclesie Sancti Fursei quamdiu ibidem ministraverint necnon presbyterorum seu vicariorum vestrorum de his tantum ecclesiis que infra ambitum Perone constitute vel constituende sunt quas nimirum omnes ad ecclesiam Sancti Fursei manifestum est pertinere in ipso castro duas refectiones a domino ejusdem castri unam in die Natalis alteram in Pascha centum quadraginta mensuras [] Decrevimus ergo ut i omnino hominum liceat prefatam ecclesiam temere perturbare [] Datum per manum Rolandi Romane ecclesie presbiteri cardinalis et cancellarii Anno MCLIIII