Charter Document - 06010017
| Charter Number: | 06010017 |
|---|---|
| Cartulary Title: | Charters of St-Fursy of Peronne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1121 - 1130 |
| Date type: | Assigned |
| Resource Link(s): |
|
Charter:
In nomine sancte et individue Trinitatis Patris et Filii et Spiritus Sancti Lambertus Dei gratia Peronensis ecclesie decanus ceterique ejusdem ecclesie canonici universis sancte matris ecclesie filiis Propter multam que aliquando tam in nostra quam in aliis ecclesiis de his que ad eam jure pertinent fieri solet per oblivionem possidentium utpote sibi succedentium contentionem placuit nobis quasdam conventiones habitas inter nos et domnum Ricerum domnumque Gervasium abbates Sancti Nicholai de Arewasia ceterosque ejusdem ecclesie fratres memorie posterorum scripture stabilitate commendare ut sic firma et inconcussa possit in perpetuum permanere In villa igitur que dicitur Beccenniis est terra arabilis que nostra est et duo curtilia et silva et in Genci similiter curtilia sex et dimidium et quarta pars unius cum terra arabili et silva et decima que predicte ecclesie Sancti Nicholai hoc tenore concessimus et pro his tredecim solidos videlicet pro Beccenniis quinque et pro Genci octo singulis annis in festivitate sancti Remigii ecclesie nostre persolvant et sic ea perpetuo teneant Ut autem hec concessio firma et inviolata habeatur signa et nomina eorum qui presentes affuerunt subnotare curavimus Signum Lamberti decani S Milonis thesaurarii S Hugonis prepositi S Gerardi cancellarii S Nicholai S Petri presbiterorum S Erenfridi S Odonis S Rogeri S Raineri S Gaufridi Item Gaufridi S Roberti S Godelini