Charter Document - 06010011
| Charter Number: | 06010011 |
|---|---|
| Cartulary Title: | Charters of St-Fursy of Peronne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1119 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis amen Lambertus Dei gratia Peronensis ecclesie decanus ceterique ejusdem ecclesie canonici universis sancte matris ecclesie filiis Propter multam que aliquando tam in nostra quam in aliis ecclesiis de his que sibi jure pertinent fieri solet per oblivionem possidentium utpote sibi succedentium contentionem placuit nobis quandam conventionem habitam inter nos et dominum Richerum abbatem Sancti Nicholai de Aridagamantia ceterosque ejusdem ecclesie fratres memorie posterorum sub cyrographo commendare ut sic firma et inconcussa possit in perpetuum permanere In pago igitur Atrebatensi in villa que dicitur Becchenniis est terra arabilis que nostra est et duo hospites et silva que predicte ecclesie Sancti Nicholai hoc tenore concessimus ut perpetuo teneant et pro his V solidos singulis annis in festivitate sancti Remigii ecclesie nostre persolvant Ut autem hec concessio firma et inviolata habeatur signa et nomina eorum qui presentes affluerent subnotare curavimus Signum Lamberti decani S Milonis thesaurarii S Hugonis prepositi S Gerardi cancellarii S Nicholai presbiteri S Goislani diaconi S Petri item Petri diaconorum S Erenfridi S Odonis S Alardi S Rogeri S Hugonis S Raineri S Gaufridi S Thome S Roberti S Godelini S Gozonis S Nicholai S Mathei Actum est hoc Perone anno Domini Christi MCXVIIII indictione XII VI idus septembris