Charter Document - 06010006
| Charter Number: | 06010006 |
|---|---|
| Cartulary Title: | Charters of St-Fursy of Peronne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1108 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis Patris et Filii et Spiritus Sancti Ego Baldricus Dei gratia Noviomensis episcopus universis catholice religionis cultoribus cartule hujus seriem legentibus in eternum feliciter gaudere in celestibus Notum sit dilectioni vestre fratres karissimi fratrem Gislanum Peronensis ecclesie decanum Sancti Fursei decanum cum quibusdam ecclesie fratribus ad me venisse et ut altare de Buiscort quod Achardus frater eorum et concanonicus sub personatu tenebat eis eorumque ecclesie concederemus humiliter postulasse Considerata igitur humillima eorum petitione necnon et predicti fratris Achardi devotione qui pro anniversaria sui suorumque parentum patris scilicet ac matris commemoratione illud idem postulabat dignum duxi petitioni condescendere et quod rogabant eis concedere Consilio itaque et assensu Girardi archidiaconi nostrorumque clericorum concessi eis eorumque ecclesie predictum altare sub perpetua tenendum possessionem hac videlicet ratione quod canonicorum Sancti Fursei decanus altaris ipsius curam semper gerat et uno quoque anno in festivitate sancti Remigii que est kalendas octobris solitum censum tres scilicet solidos et sex denarios mihi meisque successoribus solvat Sacerdos vero qui ab ipso decano in ecclesia ilia constitutus fuerit debitam subjectionem et obedientiam mihi meisque ministris archidiacono videlicet atque decano exhibeat Quod ut nostris seu in futuris temporibus ratum et inviolatum maneat episcopali auctoritate confirmavi et sigilli mei signo corroboratum per presentis pagine scriptum presentium futurorumque memorie commendavi Actum anno Incarnationis dominice MCVIII rege Ludovico regnante anno I domno Baldrico episcopante S Baldrici episcopi S Roscelini decani S G[erardi] archidiaconi S Gislani decani S Milonis custodis S Achardi S Rotberti S Godelini S Alberci presbiteri S Desiderii S Berneri S Radulfi S Arnulfi S Guidonis cancellarii