Charter Document - 06001122
| Charter Number: | 06001122 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | French |
| Charter Origin: | Religious |
| Charter Type(s): | Announcement |
| Date: | 1237 |
| Date type: | Internal, A.D. |
| Resource Link(s): |
|
Charter:
Li iustice et li eskevin de Hombleiieres font savoir a tous caus ki veront cest escrit que Helvis li Veskenesse akata a Jehan le Clerc sen pere trois pieces de terre s en siet li une piece en Biauvooir li autre piece siet a le Soussele [] et li tierce siet en Bliscaus quan k il avoit en ces trois pieces Jehans li Clers werpi cele terre par devant le iustice et Helvis le recut comme sen iretage et si en fu tenans bien et loiaument par le iustice et par les eskevins Et Helvis en paia bien et loiaument tous ses drois et si savoir font ke Helvis li Veskenesse akata a Jehen le Clerc sen pere le quarte part d un capon et I a prendre sour le maison Marien Flameske [] werpi Jehans li Clers par devant le iustice et Helvis en fu tenans bien et loiaument comme de sen iretage et si en paia bien tous ses drois Ce fu fait en l an de l incarnation M ans CC ans XXXVI ans el mois de genvier