Charter Document - 06000135

Universis presentes litteras inspecturis Arnulphus abbas monasterii Beate Marie de Hombleriis ordinis Sancti Benedicti Noviomensis diocesis totusque eiusdem loci conventus salutem in eo qui est omnium vera salus Cum nos iamdiu est aut predecessores nostri quandam peciam terre ad agrorum culturam existentem continentem in mensura quatuor sextariatas terre vel circiter sitam ante portam domus nostre Mali Ingenii ad clausuram alterius curtis nostre de Curcellis site prope Malum Ingenium posuisemus et adiunxissemus eandem peciam ad culturam ortorum disponendo et ordinando religiosi viri abbas et conventus sancti Folliaci iuxta Rodum Premonstratensis ordinis Cameracensis diocesis tunc nobis obviam occurrerunt dicentes nos predicta facere non posse nec debere cum in dicta pecia terre dicti abbas et conventus Sancti Folliaci haberent et a retroactis temporibus habuissent mediam partem grossarum decimarum et in possessione percipiendi decimam ante dictam essent et fuissent Nobis contrarium asserentibus tandem de consensu et voluntate abbatis et conventus Beati Folliaci predictis et nostris fuit huiusmodi discordia via arbitrali sopita prout in litteris super hoc confectis sigillis suis et nostris plenius continetur in quibus litteris inter alia fuit scriptum et ab arbitus ordinatum ut nos abbas et conventus de Hombleriis predicti teneremur solvere et solveremus anno quolibet abbati et conventui Beati Folliaci predictis viginti duos denarios parisienses cum obolo pro parte dimidia decimarum sibi pro pecia terre predicte debitarum donec predictos viginti duos denarios cum obolo sub districtu et dominio suis emissemus pro eisdem et ad opus eorumdem Post multum vero temporis discordie terminate ut dictam est et sopite religiose mulieres abbatissa et conventus monsterii de Farvaciis Cisterciensis ordinis Noviomensis diocesis pretendentes se in pecia terre antedicta aliam partem decimarum habere et habuisse et esse in possessione decimam percipiendi et fuisse antequam dicta pecia terre curti nostre de Curcellis fuisset clausa seu adiuncta super hiis nobis querelam moverunt Nos abbas et conventus de Hombleriis et abbatissa et conventus de Farvachiis predicti ut omnis materia questionis tollatur istius nove discordie seu controvercie elegimus et eligimus arbitros arbitratores seu amicabiles compositores venerabiles viros et discretos magistros Hugonem de Suessione Iohannem d Oisi et Ponchardum de Communia clericos compromittentes et nos compromisisse recognocentes in eosdem tanquam in arbitros arbitratores seu amicabiles ut dictum est compositores promittentes bona fide et sub pena quadraginta librarum parisiensium parti dictum seu ordinationem observanti a parte resiliente solvendarum dicto et ordinatione predictis nichilominus durantibus et duraturis tenere et inviolabiliter observare quicquid dicti arbitri arbitratores seu amicabiles compositores super premissit et ea tangentibus de alto et basso iuris ordine servato vel non servato duxerint arbitrandum et statuendi seu etiam ordinandum Nos autem magistri predicti onere huius arbitrii in nobis suscepto cognito de cause meritis et ea tangentibus habito super hoc diligenti et mature tractatu dictum nostrum seu nostram arbitralem sententiam statutum seu ordinationem diximus et protulimus in hunc modum Quia comprovimus per informationem et inquisitionem solempnes a nobis factas super predictis abbatissam et conventum de Farvachiis predictos habere et habuisse ius grossarum decimarum pro media parte in pecia terre predicta et quod ibidem percipiebant et perceperant mediam partem decime antedicte pro equali portione cum ecclesia Beati Folliaci predicti antequam pecia terre antedicta fuisset et esset curti ecclesie de Hombleriis dicte de Curcellis inclusa seu adiuncta condempnavimus et condempnamus abbatem et conventum de Hombleriis predictos et eorum successores pro media parte decime grosse predicte ecclesiam de Farvachiis contigente ad prestationem et solutionem viginti duorum denariorum parisiensium cum obolo abbatisse et conventui de Farvachiis successoribus et procuratoribus earumdem annis singulis annui et perpetui redditus in festo Beati Remigii in capite octobris Ita tamen quod quam cito abbas et conventus de Hombleriis seu alius pro eisdem acquisiverint vel emerint adquisiverit vel emerit predictos viginti duos denarios cum obole ad opus ecclesie de Farvachiis et pro eisdem in districtu et dominio ecclesie de Farvachiis predicti abbas et conventus de Hombleriis et eorum successores ex tunc erunt a prestatione et solutione dicti redditus liberi et immunes Si vero abbatissa et conventus de Farvachiis aliquas litteras habuerint et habeant discordiam istam alias pacificatam tangentes illas et nunc pronunciamus irritas et inanes et si eas inveniant eas reddant abbati et conventui de Hombleriis predictis salvo dictis ecclesiis omni munimine aliarum litterarum omnium aliorum privilegiorum et instrumentorum quorumcunque Nos vero abbas et conventus de Hombleriis abbatissa et conventus de Farvachiis predictis dicto ordinationi statuto seu sententia predictorum arbitrum arbitratorum seu amicabilium compositorum unanimiter et concorditer consencientes et ea expresse volentes et ad probantes et sepedictos dictum statutum ordinationem et sententiam tenere et observare promittentes et ad hoc nos obligantes ut predicta omnia et singula in istis litteris contenta habeant robur inperpetuum et vigorem litteras presentes ad memoriam futurorum sigillis nostris sigillavimus Requirentes insuper dictos arbitros consiliarios nostros ut ad ampliorem securitatem sigilla sua presentibus cum nostris adponant Et nos Hugo Iohannes et Ponchardus predicti ad requisitionem parcium predictarum sigilla nostra cum suis duximus in testimonium premissorum adponenda Datum anno Domini millesino trecentesimo quarto in crastina animarum