Charter Document - 06000130

Universis presentes litteras visuris Stephanus decanus et capitulum Laudunensis ac I[ohannis] decanus et capitulum ecclesie Sancti Quintini in Viromandia salutem in Domino Noveritis quod cum inter nos decanos et capitula Laudunensis et Sancti Quintini predictos ex parte una et religiosos viros abbatem et conventum de Hombleriis Noviomensis dyocesis ex altera discordia mota esset super decimis ville et territorio de Sissiaco Laudunensis dyocesis Tandem post multas altercationes et aliquas allegationes factas et habitas hinc et inde pro bono pacis de bonorum virorum consilio nos decani et capitula Laudunensis et Sancti Quintini predicti ex una parte et dicti abbas et conventus de Hombleriis ex altera super dicta discordia et super omnibus tam ratione proprietatis et possessionis quam alio quovismodo ad eandem discordiam quomodolibet pertinentibus compromisimus de alto et basso in venerabiles et discretos viros magistrem Iohanem de Flaciaco decanum Aurelianensis et dominum Milonem de Durbia concan[onic]os nostros et dominum Iohanem de Ribodimonte monachum et prepositum monasterii de Hombleriis predicti tanquam in arbitros arbitratores seu amicabiles compositores sub pena centum librum parisium reddendarum parti dictum seu ordinationem eorundem arbitrorum arbitratorum concorditer factam observare volenti a parte observare nolente pena commissa soluta vel non soluta dicto seu ordinatione huiusmodi nichilominus valiturus Promittentes bona fide et sub pena predicta nos integraliter adimplere et tenere quidquid dicti tres arbitri arbitratores super dicta discordia proprietate et possessione et super omnibus aliis negotium ipsum quomodolibet contingentibus concorditer statuendum duxerint seu etiam ordinandum Et ad hoc nos successores nostros ecclesias nostras et bona ipsarum ecclesiarum nostrarum per presentes litteras obligamus Poterunt autem dicti arbitri arbitratores in negotio huiusmodi compromissi et ad prolationem sui dicti sive sue ordinationis predicte diebus feriatis semel vel pluries partibus presentibus vel absentibus tamen vocatis Et terminabitur istud arbitrium infra instans festum assumptionis beate Marie virginis alioquin extunc dictorum arbitrorum arbitratorum potestas expirabit nisi interim eorum terminus de consensu partium fuerit prorogatus ita tamen quod si infra dictum terminum ut dictum est prefixum vel ut predictum est prorogatum negotium presentis compromissi seu arbitrii non fuerit terminatum illa que usque tunc super premisse acta fuerint neutri partium previdicent ymmo omnia remaneant in illo eodem statu in quo erant tempore facto huiusmodi compromissi et tunc prosequatur utraque pars vis suum prout sibi melius viderit expedire De consensu partium siquidem predicta de quibus contendunt partes et que levata fuerunt et que levanda remanent ponentur et remanebunt in manu dictorum arbitrorum arbitratorum tanquam in manu salva usque ad terminum predictum prefixum vel usque ad alium prorogandum si prorogari contingat eundem In cuius rei testimonium nos Stephanus decanus et capitulum Laudunensis predicti et nos I[ohannes] decanus et capitulum ecclesie Sancti Quintini predicti sigilla nostra presentibus litteris duximus apponenda Actum anno Domini millesimo ducentesimo octogesimo quinto die martis post divisionem apostolorum