Charter Document - 06000129

Universis presentes litteras inspecturis R[ainaldus] Deo permissione abbas ecclesie Beate Marie Hombleriensis ordinis sancti Benedicti Noviomensis dyocesis totusque eiusdem loci conventus salutem in Domino Noverit universitas vestra quod nos nomine permutationis dedimus et concessimus imperpetuum religiosis mulieribus [] abbatisse et conventui de Monasteriolo Cysteracensis ordinis Laudunensis dyocesis tres sextarias terre duodecim virgis minus quas habebamus sitas in uno campo in territorio de Cherisi qui campus vocatur campus de Rouval liberas et quittas ab omni solutione decime et alterius redditus cuiuscumque ab eisdem mulieribus et earum successoribus tenendas et possidendas in futurum pacifice et quiete nec est pretermittendum quod si dicte religiose dictam terram alicui colono ad censam concederent quod decimam dicte terre penes nos retinemus Et ipse [] abbatissa et conventus nomine permutationis et in recompensationem ipsius terre nobis dederunt et concesserunt duas piechias terre sitas in territorio de Urvilari iuxta et subtus vinarum curtis nostre de Lambais quas ipse tenebant et possidebant quittas et liberas ut dicebant ab omni solutione decime et alterius redditus cuiuscumque continentes tres sextarias terre decem virgis et dimidum minus a nobis et ecclesia nostra in futurum tenendas et possidendas pacifice et quiete Et promittimus bona fide quod contra huiusmodi permutationem non veniemus in futurum Nichil etiam iuris in predicta terra a nobis ipsis religiosis ut dictum est data et concessa penes nos retinentes nos et successores nostros ad obligationem ipsius permutationis ipsis religiosis tenore presentium obligantes In cuius rei testimonium presentibus litteris sigilla nostra duximus apponenda Datum anno Domini MCC octagesimo primo mense augusto