Charter Document - 06000127
| Charter Number: | 06000127 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1253 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Iacobus de Trecis Laudunensis ecclesie archidiaconus salutem in Domino Noverit universitas vestra quod cum inter viros religiosos [] abbatem et conventum ecclesie Beate Marie Humolariensis ex una parte et [] abbatissam et conventum de Mosteriolo Cisterciensis ordinis Laudunensis dyocesis ex altera controversia esset exorta super eo quod dicte [] abbatissa et conventus dicebant dictos [] abbatem et conventum minus iuste et sine causa rationabili tum per se tum per suos servientes in augusto ultimo preterito absportasse quasdam garbas pisorum vetiarum et aliorum leguminum contra ius et voluntatem earundem [] abbatisse et conventus de terris pertinentibus ad curtem suam de Puisiex et super quibusdam violentiis et iniuriis quas dicebant dicte [] abbatissa et conventus sibi esse illatas a quibusdam monachis et censariis sive servientibus dicte ecclesie Humolariensis dictis [] abbate et conventu negantibus predictam iniuriam et violentiam et absportationem garbarum iniustam Tandem procuratores dictarum partium coram nobis constituti amicabiliter convenerunt in hunc modum videlicet et procurator dictarum [] abbatisse et conventus nostre earundem coram nobis expresse remisit et quitavit dictos [] abbatem et conventum Humolarienses servientes et censares eorumdem de omnibus premissis et de omni actione que competebat eisdem [] abbatisse et conventui super predictis In cuius rei testimonium presentes litteras ad instanciam dictorum procuratorum videlicet magistri Iehannis clerici procuratoris dictorum [] abbatis et conventus et fratris Roberti conversi et procuratoris dictarum de Mosteriolo sigilli nostri munimine patentes emisimus roboratas Actum anno Domini millesimo ducentesimo quinquagesimo tercio feria quarta post cantate