Charter Document - 06000126

Universis presentes litteras inspecturis Iacobus de Trecis Laudunensis ecclesie archidiaconus salutem in Actore salutis Noverit universitas vestra quod cum inter viros religiosos [] abbatem et conventum ecclesie Beate Marie Humolariensis Noviomensis dyocesis ex una parte et [] abbatissam et conventum de Mosteriolo Cisterciensis ordinis Laudunensis dyocesis ex altera controversia esset exorta super eo videlicet quod dicte [] abbatissa et conventus dicebant se non teneri dictis [] abbati et conventui ad prestationem decimarum de terris suis appendentibus ad curtem suam de Puisiex Noviomensis dyocesis acquisitis ab ipsis ante concilium generale quas terras propriis sumptibus et laboribus excoluerant et excolunt ut dicebant tam de iure communi quam per privilegia eisdem a sede apostolica indulta ut dicebant Dicti vero abbas [] et conventus e contrario dicebant quod decimas terrarum dicte curtis sitarum infra parochiatus de Ursvillari et de Cherisiaco quorum patroni sunt ut dicebant per quadraginta annos et amplius tam post concilium generale quam ante pacifice et quiete perceperant et ab eo tempore et ante fuerant et sunt in possessione percipiendi dictas decimas ut dicebant Et propter has rationes et alias dicebant dicti [] abbas et conventus easdem abbatissam et conventum sibi teneri ad prestationem decimarum de terris dicte curtis sitis in dictis parochiatibus Tandem pro bono pacis dicti [] abbas et conventus ex una parte et dicte [] abbatissa et conventus ex altera super premissis in nos conpromiserunt sub hac forma quod quicquid super hiis et aliis ad hoc negocium spectantibus de alto et basso duxerimus ordinandum sive pronunciandum inviolabiliter observabunt vallata dicta conpromissione pena centum librarum parisiensium reddendarum ab illa parte que a predictis ordinatione et pronunciatione presumeret resilire alteri parti easdem pronunciationem et ordinationem observanti eisdem ordinatione et pronunciatione nichilominus in suo robore duraturis Nos vero onere dicti compromissi in nos suscepto pro bono pacis inquiri fecimus diligenter de campis et petiis terre ad ius et proprietatem dicte curtis pertinentibus ante concilium generale acquisitis sitis in parochiatibus antedictis et inventum est sicut predicte partes deliberatione habita confesse sunt coram nobis quod campi et pecie terre que inferius exprimuntur site in dictis parochiatibus pertinent ad curtem predictam de Puisiex et pertinebant ante concilium generale videlicet in campo ad vinarium pecia que continet sexaginta sex virgas vel circiter Item in campo qui partitur ad campum Matheu tres sextariate et dimidia et quatuor virge Item in campo a Landier tres sextariate et dimidia Item in campo ad viam Hamensem decem sextariate triginta virgis minus Item in campo a Loiermont undecim sextariate et dimidia Item in campo a la Marliere tres sextariate et sexdecim virge Item in campo domicelle Emeline viginti sextariate et dimidia Item in campo a Laguillom una sextariata et octo virge Item in campo retro domum Thome as Oiies pecia continens quindecim sextariatas duodecim virgis minus Item in campo iuxta portam de Puisiex pecia continens duas sextariatas septem virgis minus Item in campo ad vinarium pecia continens duas sextariatas quatuor virgis minus Item in campo retro aucas qui partitur ad campus Gerardi Priere pecia continens quatuor sextariatas et dimidiam Item in campo au Saulom pecia continens quatuor sextariatas sexdecim virgis minus Item in campo a Laguillon inter duas valles ante Puisiex pecia continens quinque sextariatas Item in campo ante portam de Puisiex pecia continens tres modiatas Et recognoverunt coram nobis procuratores partium predictarum quod omnes terras superius nominatim expressas acquisierunt abbatissa et conventus predicte ante concilium generale excepto campo de Vaucello subtus Avesnam continente quatuor sextariatas sexdecim virgis minus de quo campo procurator dictarum [] abbatisse et conventus recognovit quod ipsum campum acquisierunt dicte [] abbatissa et conventus post concilium antedictum et quod ille campus est decimalis etiam si propriis sumptibus et Iaboribus dictarum [] abbatisse et conventus excolatur et propter hoc voluit idem procurator dictarum de Mousteriok et expresse consensit ut in decima eiusdem campi percipienda salvum sit ius dictorum [] abbatis et conventus Humolariensium et cuiuscunque alterius in quantum debuerit esse salvum Nos igitur die assignata dictis partibus coram nobis ad audiendum nostrum arbitrium et ordinationem sive pronunciationem nostram procuratoribus dictarum partium coram nobis presentibus et ordinationem sive pronunciationem nostram super premissis a nobis proferri postulantibus de bonorum virorum consilio ita duximus ordinandum et pronunciandum ut videlicet predicte [] abbatissa et conventus quamdiu possessiones superius nominatas expresse ad dictam curtem de Puisiex pertinentes quas acquisierunt ante concilium generale sicut ex confessione procuratorum dictarum partium ut superius expressum est constat nobis propriis sumptibus et Iaboribus suis excolent a prestatione decimarum de eisdem possessionibus maneant libere et immunes et dicti [] abbas et conventus super eisdem decimis ipsas de cetero nullatenus per se vel per alios inquietent Cum nobis constet tam de preallegato iure communi quam de ipsarum super hoc privilegio speciali constat etiam nobis quod si prefati [] abbas et conventus dictas decimas aliquando perceperunt vel post vel ante concilium generale in terris superius nominatis tunc dicte [] abbatissa et conventus easdem possessiones propriis sumptibus et Iaboribus suis non excolebant ordinamus etiam et pronunciamus quod si prefate abbatissa et conventus predictas possessiones ad dictam curtem de Puisiex pertinentes vel alias sitas in dictis parochiatibus vel etiam aliquas ex ipsis dederint aliquando laycis vel aliis personis ad firmam sive ad censam vel alio quoquo modo ita quod ipse [] abbatissa et conventus easdem terras non excolant vel excoli non faciant propriis suis Iaboribus et expensis prefati [] abbas et conventus decimas ex illis possessionibus percipiant et dicte [] abbatissa et conventus se in illo casu eisdem [] abbati et conventui non opponant quin eas percipiant sicut prius eas percipere consueverunt scilicet ante quam ipse abbatissa et conventus dictas possessiones suis propriis sumptibus et laboribus excolere incepissent salvo tamen iure in predictis omnibus alieno in quantum debuent esse salvum Et predicta omnia ordinavimus et pronunciavimus sub interpositione dicte pene a partibus predictis esse inviolabiliter observanda in perpetuum In cuius rei testimonium presentes litteras patentes emisimus sigilli nostri munimine roboratas Actum anno domini millesimo ducentesimo quinquagesimo tercio feria quarta post dominicam qua cantatur cantate