Charter Document - 06000125

Universis presentes litteras inspecturis Th[omas] divina permissione abbas Beate Marie Humolariensis et eiusdem loci conventus salutem in Domino Noverit universitas vestra quod cum inter nos et religiosas mulieres abbatissam et conventum de Monasteriolo esset controversia exorta super eo quod eadem abbatissa et conventus dicebant se non teneri nobis ad prestationem decimarum de terris suis appendentibus ad curtem de Puisieus acquisitis ab ipsis ante concilium generale quas terras propriis sumptibus et laboribus excolunt tum de iure communi tum per privilegia eisdem a sede apostolica indulta ut dicebant nobis asserentibus quod decimas terrarum dicte curtis sitarum infra parochiatus de Chirisiaco et de Ursvilari quorum patroni sumus ut dicebamus per quadraginta annos et amplius tam post concilium generale quam ante pacifice percepimus et ab eo tempore et ante in possessione fuimus et sumus dictas decimas percipiendi in terris predictis ut dicebamus Et propter hoc et alias rationes dicebamus dictam abbatissam et conventum teneri nobis ad prestationem decimarum de quibus est contentio de terris dicte curtis sitis in dictis parochiatibus Tandem pro bono pacis nos et dicte abbatissa et conventus supra dicta controversia compromisimus in arbitrum videlicet in magistrum Iacobum de Trecis archidiaconum Laudunensem sub hac forma quod quicquid idem arbiter super premissis et aliis ad hoc negocium spectantibus prius inquisita veritate tam per iuramenta partium quam per testes si opus fuerit pace vel iudicio pronunciandum duxerit sive ordinandum inviolabiliter observabimus vallata compromissione pene centum librarum parisiensium reddendarum ab illa parte que a premissis pronunciatione seu ordinatione presumpserit resilire parti adverse eandem ordinationem seu pronunciationem observanti eisdem pronunciatione et ordinatione nichilominus in suo robore duraturis Hoc adiecto quod pars illa que non venerit sufficienter ad dies sibi assignandas ab arbitro predicto tenebitur parti alteri sufficienter comparenti pro defectu cuiuslibet diei in quadraginta solidos parisienses Debet autem dictus arbiter perferre arbitrium suum seu ordinationem infra quintanam proximo venturam nisi dictum terminum idem arbiter duxerit prorogandum Quem prorogare potest pro sua voluntate et in hoc nos et dicte abbatissa et conventus consentimus expresse In cuius rei testimonium presentes litteras emisimus sigillorum nostrorum munimine roboratas Datum anno Domini millesimo ducentesimo quinquagesimo secundo feria quinta ante purificationem beate Marie Virginis