Charter Document - 06000123

Omnibus hec visuris Th[omas] divina permissione ecclesie beate Marie Humolariensis abbas totusque eiusdem loci conventus salutem in Domino Noverint universi quod cum causa verteretur auctoritate apostolica coram venerabili viro et discreto [] officialis Laudunensis inter nos ex una parte religiosas mulieres [] abbatissam et coventus de Mousteriolo Cisterciensis ordinis Laudunensis dyocesis ex altera super duabus partibus decime terrarum appendentium ad curtem ipsarum [] abbatisse et conventus de Brenot quas duas partes decime dicte mulieres dicebant nos non debere percipere pro eo quod dictas terras acquisierant ante concilium generale et easdem excolebant propriis manibus vel sumptibus ut dicebant et quia exempte per privilegium domini pape erant a solutione decimarum terrarum huiusmodi ut dicebant necnon et super fructibus quos dicebant nos et Petrum de Menechamp in dictis duabus partibus precepisse indebite item super uno modio bladi et septem solidis et tribus obolis alborum vel parisiensium que dicebant nobis soluta fuisse indebite a quodam converso monasterii sui Tandem inter nos ex una parte et dictas mulieres ex altera super premissis de consilio bonorum compositum fuit in hunc modum quod predicte [] abbatissa et conventus in hoc consenserunt et voluerunt quod nos de cetero dictas duas partes decime terrarum predictarum annuatim et in perpetuum pacifice et quiete percipiamus a quocunque seu quocumque modo dicte terre excolantur Et promiserunt dicte [] abbatissa et conventus quod in predicta decima ratione privilegii ab ipsis vel ab ordine Cisterciensi impetrati vel impetrandi seu quacumque alia ratione nichil de cetero reclamabunt vel facient reclamari Nos vero in recompensatione premissorum quitavimus eisdem [] abbatisse et conventui in perpetuum dictum modium bladi et septem solidos et tres obolos predictos sive modius bladi et septem solidi et tres oboli predicti nobis deberentur vel non deberentur et sive soluti essent nobis debite vel indebite et etiam omne ius quod habebamus vel habere poteramus in blado et pecunia predictis et in arrieragiis eorum quocumque modo vel titulo Preterea cum predicte mulieres tenerentur nobis annuatim in decem caponibus et dimidio ut dicebamus nos mediante dicta compositione quitavimus eisdem [] abbatisse et conventui quinque capones de illis decem et dimidio caponibus et promisimus quod in predictis modio [bladi et] septem solidis et tribus obolis et quinque caponibus quitatis nichil de certo reclamabimus vel faciemus reclamari Insuper per eandem compositionem et in recompensatione dictarum duarum partium dicte decime nos tenemur reddere singulis annis in perpetuum eisdem [] abbatisse et conventui in curte nostra de Brenot in festo beati Martini hyemalis sex modios bladi ad mensuram de Sancto Quintino tales quale percipietur in dictis duabus partibus decime supradicte Et mediantibus predictis quitavimus nos ad invicem et dicte [] abbatissa et conventus dictum Petrum de Menechamp de omnibus arrieragiis et expensis habitis et factis hinc inde occasione premissorum quitaverunt Predicta autem compositio facta fuit coram dicto [] officiali Laudunensi et auctoritate prestante auctoritate apostolica qua fungebatur in causa predicta Et propter hoc sigillum curie Laudunensis apposuit dictus [] officialis litteris confectis supra compositione predicta Et ut hec omnia rata sint et firma presentes litteras sigillis nostris cum sigillo predicto curie Laudunensis fecimus roborari Actum anno Domini millesimo ducentesimo quadragesimo octavo mense martio