Charter Document - 06000121
| Charter Number: | 06000121 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | French |
| Charter Origin: | Religious |
| Charter Type(s): | Announcement |
| Date: | 1234 |
| Date type: | Internal, A.D. |
| Resource Link(s): |
|
Charter:
[] eskevin de Honblieres font savoir a tous chiaus qui cest escrit verront [] Estevenes Minante et Havis se femme ont donee leur terre le quele il tienent [] Gobert de Honblieres a Estevenon le Borgne avec leur fille Lussain en mariage et tout leur enfant le werpirent et issirent fors de mainburnie par lor volente et si donerent Estevenes et Havis se femme a Estevenon le Borgne et a Lussain leur fille en mariage tote le terre quil tienent de Nostre Dame de Honblieres et de labe et a camp et a vile et tot lor enfant le werpirent bien et loiaument et si issirent fors de mainburnie Et Estevenes li Borgnes dut rendre et a rendu a Bertain le mainsnee fille Estevene Minante et Havwi se femme XV lib de paresis por sen mariage et Berte werpi liretage bien et loiaument com ele eust aage Et Este[ve]nes li Borgnes et Lusse se femme en paierent leur drois a le iustice bien et loiaument Ce fu fait en lan de incarnation nostre Segneur M ans et II CC ans et XXXIIII ans eu mois daoust