Charter Document - 06000115
| Charter Number: | 06000115 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1223 |
| Date type: | Internal, A.D., Calendar |
| Resource Link(s): |
|
Charter:
Ego Balduinus Dei permissione Humolariensis abbas eiusdemque loci conventus omnibus visuris hanc cartam salutem in Domino Noveritis quod cum ecclesia Montis Sancti Martini redditum trium modiorum frumenti a Matheo de Wallaincort burgensi Sancti Quintini XXXIII libris parisiensis monete redemisset quos idem Matheus emerat ab Aloldo filio Viviani militis de Roumaucort qui eos a Renero Gordel homine nostro de Fraisnoy prius tenebat Nos redemptionem illam quam fecit ecclesia a prefato Matheo approbare curavimus et laudare volentes et concedentes ut dicta ecclesia premissos tres modios frumenti ad mensuram Sancti Quintini qui sine consensu nostro alienari non poterant pacifice futuris temporibus possideat et quiete secundum quod in litteris prefati Reneri Gordel nostri hominis continentur Actum anno domini MCCXXIII XVI kalendas ianuarii