Charter Document - 06000084
| Charter Number: | 06000084 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1165 |
| Date type: | Assigned |
| Resource Link(s): |
|
Charter:
Miles unus de Ruvereio Petrus cognomento Vetula gravissima infirmitate fatigatus Domino ut credimus ipsum vocante timore mortis in hoc monasterio Humolariensi habitum religionis suscepit et quidquid terre habebat a dextra parte euntium ab hac villa ad Tilloie scilicet Euche Linvileir et Santherolles et ut expressius dicam totam terram suam que extenditur a nemore nostro euntium circumquaque ad Tilloie hereditario iure huic loco perpetualiter possidendum reliquit Hoc itaque laudaverunt Wido Senex et eiusdem Widonis filius Wido iunior de Moy cum uxoribus suis et liberis sub quorum dominio idem Petrus Vetula [tenebat] terram illam Acceptisque ab ecclesia pro eadem concessione sex denariorum libris bannum latronem sanguinem et quidquid iuris in eadem terra vel feodo prescripti milites se habere dicebant per rami et cespites super altare impositionem totum ecclesie iure perpetuo tenendum multis fidelibus coram positis concesserunt Istud etiam confirmatione facta laudaverunt eiusdem Petri uxor et due filie ipsius in presentia domini Ingelberti decani et Hellini presbyteri de Ruvereio et Arnulfi presbyteri de Morecurt et aliorum plurimorum fidelium utriusque sexus quorum nomina subter annotavimus Signum ipsius Petri Vetule huius rei actoris Signum uxoris eiusdem Signum filiarum eius Signum Widonis Senioris de Moy Signum Widonis filii eius Signum uxorum eorumdemque liberorum Signum domini Petri abbatis Signum Rainaldi prioris Signum Huberti Signum Hugonis Calvi Signum Bertulfi Signum Ioannis Signum Simonis Tuevilain Signum Albrici Walbrun Signum Walteri de Marci