Charter Document - 06000082
| Charter Number: | 06000082 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1159 - 1163 |
| Date type: | Assigned |
| Resource Link(s): |
|
Charter:
In nomine Patris et Filii et Spiritus sancti amen Mutabilitatis humane natura plerumque cogit a memoria labi quod perutile fuerat a mortalibus retineri Iccirco necessarie scribitur cyrographum quod fieri solet finis controversiarum Ego igitur Rainerus Humolariensium minister indignus notum fieri volo tam futuris quam presentibus quod conservande pacis ac dilectionis gratia he terrarum ac decimarum commutationes inter nostram et ecclesiam beate Marie de Casa Dei facte sint Dedimus equidem campum de Morocurt pro campo qui est in nemore Aution sartum Wandelgeir pro quodam campo qui est in territorio de Curcellis campum etiam qui est de dote altaris de Ruvereo et campum qui de territorio Morincurtis est pro decimis quas iam dicta ecclesia in utroque territorio accipiebat In territoriis etiam prefatis ubicumque terram coluerint decimas ut ceteri cultores dabunt Ad huius igitur pactionis et commutationis stabilitatem hanc scripsimus cartulam idoneis testibus sigillorumque impressionibus confirmatam Signum Raineri abbatis Humolariensis Signum Geraldi abbatis de Casa Dei Signum Huberti prioris Signum Rainaldi Signum Egidii Signum Gerardi diaconi Signum Symonis Signum Iacobi Signum Petri prioris de Casa Dei Signum Oliveri et Godefridi sacerdotum Signum Odonis et Arnulfi diaconorum Signum Goberti ac Gerardi subdiaconorum