Charter Document - 06000073
| Charter Number: | 06000073 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1156 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Tam Venturis quam modernis notum fieri volumus Hospinellum quamdam terram hereditario iure possessam apud Lambaidem ab ecclesia Humolariensi longo tempore tenuisse pro qua sex solidos annuatim persolvere solebat predicte ecclesie hanc terram totam idem Hospinellus cum uxore sua et filiis suis eo iure quo ipsam tenebat prefate ecclesie in possessionem habere concessit pro sex modiis legalis frumenti annuatim ab ecclesia sibi persolvendis iuxta mensuram Sancti Quintini que tunc temporis generaliter per totam discurrebat provinciam et ita quod deinceps predictis sex solidos persolvere non deberet In hac etiam compositione ab utraque sancitum est quod si Hospinellus hoc frumentum ad Robodomontem transportari velit apud Castellionem suscipere illud debet servienti proprio in presenti cum saccis suis posito ac ipsum frumentum predicta mensura mensuratum vectura ecclesie ad Ribodimontem transportabitur Si vero ad Vendolium transvehi frumentum voluerit ut predictum est servienti suo in presenti cum saccis suis posito mensuratum frumentum ad Vendolium transvehetur De frumento vero remittendo nulla ecclesia adhibebit sollicitudinem Preterea notandum est cum ecclesia de Lambais consecraretur eumdem Hospinellum contulisse predicte ecclesie in eleemosynam matrimonii quidquid infra ambitum illius curtis iure possedit proprio et extra curtem in via regia tantum concessit terram que in seminando octavam partem modum suscipere potest et infra hortum medietatem Et quia omnia temporalia humana exigente fragilitate nature a memoria cito delabuntur hoc memorie mandare disposuimus tam litterarum inscriptione quam sigilli impressione Huius autem rei testes sunt abbas eiusdem loci Warinus abbas Richardus Sancti Nicolai de Pratis Rainardus abbas Sancti Proiecti De monachis ecclesie de sacerdotibus Arnulfus Rainaldus Hubertus de diaconibus Ioannes Evrardus Gerardus de subdiaconibus Anselmus Henricus Helias de presbyteris Stephanus decanus de Sessi et Radulfus presbyter de Bresnort De militibus Simon de Ribodimonte Wichardus de Bresnort Rogus de Faihel Oddo de Sessi De militibus ecclesie Simon de Humbleriis Gerardus Benardus Albricus Vallebrenus Radulfus de Horegui Clarebaldus Robertus de Atavilla Anno ab incarnatione Domini MCLVI