Charter Document - 06000071
| Charter Number: | 06000071 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1155 |
| Date type: | Internal, A.D. |
| Resource Link(s): |
|
Charter:
In nomine Patris et Filii et Spiritus sancti Quam quietissime viverent homines si duo verba e medio tollerentur meum videlicet et tuum sancta ecclesia ob concordiam filiorum chartularum reperit ingenium quatenus ipsarum lectione extinguantur litium flamme dato cuique suo iure Quapropter ego Garinus Humolariensis ecclesie minister indignus notum fieri volo tam futuris quam presentibus bona que adepta est ecclesia nostra diebus nostris Terra[m] siquidem in Isianensi parrochia tres milites Radulfus videlicet Robertus atque Wichardus in feudum a dominis suis iure paterno tenebant sed tam pro ipsa portione trina quam etiam pro arborum radicatione nimia non facile ab eis coli poterat Unde conventione cum eis in quindecim libris Sancti Quintinensis monete facta predictam terram ecclesie nostre perpetuo possidendam ramo et cespite in eleemosynam relinquentes tradiderunt nonum dumtaxat manipulum in ea detinentes Cum autem terragiandi ut vulgo dicitur tempus venerit Isiniaci nec uspiam eos queremus et quem primum de tribus invenerimus pro ipso nono eorum manipulo accipiendo vocabimus nec secundum seu tertium expectabimus Quod si forte reperiri quis eorum inibi non potuerit monachus vel conversus qui messoribus prefuerit loco eorum terragiabit verbumque illius in numerandis salvandisque manipulis suis presentium eorum valebit nostrum vero erit apud Isiniacum solummodo ducere ipsum nonum eorum manipulum Porro si aliqua terra petrosa et ut vulgo dicitur avesna vel etiam aquosa que testimonio agricolarum annui culturam aratri sustinere nequiverit in territorio reperta fuerit predicto vacare et requiescere eam donec melioretur omni querela sopita patientur sed si quis calumnie obstaculum alicuius de hac terra nobis obiecerit tutelam et advocationem se laturos omnino sacramento spoponderunt dominos quoque proprios quibus hominium et servitium pro eadem terra reddebant Presentibus Noviomensis episcopi ministris adstantibus etiam religiosis et nobilibus viris ad ipsum secum perpetuo concedere fecerunt uxores etiam ac liberos fratres et propinquos huic pactioni interesse fecerunt qui ut reliqui omnia benigne et legitime concesserunt Igitur ne super hac pactione aliqua deinceps oblivio vel contradictio oriatur chirographum fecimus domini Balduini Noviomensis episcopi sigillum apposuimus testium subscriptione corroboravimus Signum Garini abbatis Arnulfi Hilduini Rainaldi Aegidii Walteri prepositi Signum Ingelberti Arnulfi decanorum Signum Matthei de Sanctis Anselmi de Leuirgiis Pagani de Fillanis Bernardi Gerardi Lupi Widonis de Rumaldicurte Oddonis Warchiani Witberti Isiniacensis villici Actum anno ab incarnatione Domini MCLV