Charter Document - 06000062

Ego Hugo Dei gratia abbas et humilis minister ecclesie Humolariensis notum volo fieri presentibus et futuris quod quedam Dei famule sacre religionis habitu insignite commanentes in Terascia loco qui dicitur Monasteriolum nostram expetierunt presentiam obsecrantes ut minutam decimam bestiarum et pecorum que haberent in loco qui dicitur Puteolis pertinens ad altare ecclesie ville que dicitur Ursvillare concederemus et remitteremus eis pro amore Dei Ipse autem persolverent quot annis ecclesie nostre unam libram cere ut hec concessio rata foret Quod et promiserunt sua sponte non nostra exactione Nos autem inito proinde consilio quod petebant eis benigne concessimus amore Dei et precatu venerabilis abbatis Clarevallis domini scilicet Bernardi